Prestafélagsritið - 01.01.1923, Page 158

Preslafélagsrilið.
Erlendar bækur.
153
glöggu yfirliti sögö saga einstakra rita nýja testamentisins og reglurita-
safnsins í heild sinni og gerð grein fyrir fjársjóðum þeim, er kristin kirkja
og kristinn almenningur á í þessum helgu ritum. Hinn lærði höfundur er
gætinn og glöggur í dómum sínum, jafnframt því sem hann notfærir sér
nýjustu rannsóknir á þessu sviði guðfræðinnar. Framsetning er skýr og
við alþýðu hæfi, og þótt fljótt sé yfir sögu farið fær lesandinn góða hug-
mynd um aðalviðfangsefni og vandamál þessarar fræðigreinar og almenn-
ustu ráðningar nútímans á þeim vandamálum. Ættu allir þeir, sem vilja
kynnast þessum fræðum nokkuð nánar, að eignast þessa bók Lyder Bruns
og jafnframt „Inngangsfræði" Magnúsar Jónssonar, háskólakennara, sem
kom út 1921. Gætu þeir þá borið saman niðurstöður þær, sem haldið
er fram í hvorri af bókunum og á eftir gert sér þess grein, hvort frjálslynd
guðfræði nútímans sé eins neikvæð og stundum er haldið að mönnum.
„Norsk teologisk tidskrift 1922“. Eg vil benda á tvær ritgerðir í
þessum síðasta árgangi tímaritsins, sem eg álít að eigi sérstaklega erindi
til íslenzkra presta. Er önnur um notkun gamla testamentisins í prestlegri
starfsemi, og er hún eftir S. Michelet, prófessor í gamlatestamentisfræðum
við háskólann í Kristjaníu. Telur höfundur það tjón fyrir kirkju nútím-
ans, hve gamla testamentið sé lítið notað í prestlegri starfsemi þar í landi
síðari árin, og sýnir fram á, hvert gildi það hafi fyrir nútímamanninn og
hve gagnlegt geti verið að taka þaðan af og til prédikunartexta, séu þeir
réttilega notaðir og sögulega skýrðir. — Hin ritgerðin er um sálgæzlu
meðal sjómanna. Er hún eftir Niels Steen, fyrverandi sjómannaprest, og
gefur margar góðar og hollar bendingar, og segir frá ýmsu úr reynslu
höfundar, er alstaðar má að gagni koma.
„Def gamle testamentes profeter: — III. Amos og Hosea. —
IV. Jesaja og Mika. — Av professor Karl Vold“. — Lutherstiftelsens
forlag. Kristiania 1922. —
Rit þessi eru skrifuð frá sjónarmiði íhaldsamrar nútímaguðfræði. Lýsa
þau skýrt og skipulega spámönnum gamla testamentisins, ritum þeirra og
starfsemi. S. P. S.
Olav Sletto: „Porten. Relief". — 195 bls. Olaf Norlis forlag.
Kristiania 1922.
Skáldið Olav Sletto lýsir hér sálarlífi Páls postula, frá því er drottinn
birtist honum við Damaskus og til þess er hann fer út í heiminn, að
flytja boðskapinn um ]esú.
Eigi virðist það á valdi höfundar, að sýna oss inn í dýpstu hugar-
heima postulans. En átakanlega vel tekst þó skáldinu sumslaðar að lýsa
sálarstríði Páls, einkum iðran hans. Ber sú lýsing á köflum vott um mikla
andlega reynslu skáldsins.