Árbók Háskóla Íslands - 01.01.1973, Blaðsíða 29

Ræður rektors Háskóla íslands
27
verið skipaðir lektorar dr. Ólafur Ragnar
Grímsson og Þorbjörn Broddason.
Verið er að ganga frá fleiri skipunum og
ráðningum, sem embættinu hefur ekki
verið tilkynnt um enn.
Nokkrar af framangreindum stöðum
voru heimilaðar hinn 27. ágúst, þar sem
beint var heimilað að stofna til 32ja nýrra
starfa og embætta við deildir háskólans,
þrettán þeirra frá þessu hausti, tólf frá ára-
mótum, en hinar frá því á næsta sumri. Að
auki höfðu verið samþykktar tvær lektors-
stöður í þjóðfélagsfræðum, sem veittar hafa
verið, en nýlega heimilaðar tvær aðjúnkts-
stöður til viðbótar.
Sjö stöðurnar eru í læknadeild, þrjár í
viðskiptadeild, átta í heimspekideild,
íimmtán í verkfræði- og raunvísindadeild,
fjórar í þjóðfélagsfræðum, enn fremur ein
staða í lagadeild og tvær í guðfræðideild,
sem háskólaráð hefur lagt til.
Það skal tekið fram, að töluverður hluti
af þessum störfum hafði áður verið í formi
stundakennslu, einkum í verkfræði- og
taunvísindadeild. Eigi að síður er hér um
stórfellda framför að ræða, sem ætlað er, að
eigi að halda áfrarn á næstu árum, þar sem
þörfum er ekki nema að nokkru fullnægt.
En hættulegt er að láta stöður eftir eldra
'agi falla niður, þegar þær verða lausar.
Fulbrightstofnunin hefur kostað hingað
prófessor Hans H. Plambeck í þjóðfé-
lagsfræðum og prófessor Leedice Kissane í
ensku.
Háskólabókasafn er sérstakur kapítuli.
Gunnar Karlsson var settur bókavörður, en
sagði starfi lausu, og hefur það verið auglýst
°g um það sótt. Hæstvirtur menntamála-
ráðherra léði um eins árs skeið aðstoðar-
nann í 14. launaflokki, en það starf hefur
nú fallið niður. Verður því Háskóli íslands
að leita fjárveitingar til þessa starfs umfram
fjárlagabeiðni, þar sem safnið má engan
vinnukraft missa og er að líkindum einn
veikasti hlekkur í starfsemi háskólans.
Preben Meulengracht Sörensen lét af
starfi sendikennara í dönsku, en í stað hans
er komin Pia Renner Andresen.
Juha Peura lét af starfi sendikennara í
finnsku, en í staðinn er kominn Pekka Ka-
ikurno.
Eftir nokkurra ára hlé er kominn sendi-
kennari í rússnesku, Madame Alevtina
Zharova.
Flytur Háskóli íslands fráfarandi sendi-
kennurum þakkir og óskar þeim góðs
gengis, en öllum nýjum kennurum, nefnd-
um og ónefndum, eru fluttar árnaðar- og
heillaóskir.
Tveir prófessorar hafa samkvæmt eigin
ósk fengið lausn frástörfum: Prófessorarnir
Steingrímur J. Þorsteinsson og Jón Steff-
ensen, sem hér hafa starfað um langt skeið
og reynst nýtir og samviskusamir kennarar,
mikilsmetnir af öllum. Háskóli íslands
flytur þeim þakkir og óskar þeim allra
heilla, en svo vill til, að kveðjuorð munu
vart eiga við, þar sem Háskóli íslands fær
enn um sinn að njóta kennslukrafta þeirra,
og mér er það fagnaðarefni að þurfa ekki að
sjá á bak góðum vinum og kunningjum út úr
stofnuninni.
Ég þakka öllum kennurum fyrir samstarf
á liðnu ári, sem hefur verið innilegt og gott,
þótt skoðanamunar hafi stundum gætt.
Hjá því getur ekki farið, að í jafnfjöl-
mennri stofnun heyrist stundum vængja-
þvtur dauðans. Læknadeild hefur misst tvo
kennara, þá Þórarin Sveinsson og Theódór
Skúlason. Ég bið samkomuna að rísa úr
sætum í virðingarskyni við þá og aðra látna
háskólanum nákomna.