Árbók Háskóla Íslands - 01.01.1973, Blaðsíða 129

Annáll
127
b. Þjóðfélagsfræðinefnd
Á fundi háskólaráðs 29. ágúst 1969 bar
rektor (Ármann Snævarr) fram ályktunar-
tillögu, er frestað var, en samþykkt á næsta
fundi. Ályktunartillagan var svohljóðandi:
„Háskólaráð hefur rætt bréf háskóla-
nefndar* frá 28. ágúst sl. og bréf mrn. frá
sama degi varðandi nýjar námsleiðir við
háskólann, sbr. bréf mrn. til háskólanefnd-
ar frá 16. júní sl., er sent var háskólaráði
með bréfi ráðuneytisins dags. 19. júní sl.
Háskólaráð fellst í megindráttum á
niðurstöður bréfsins að því er tekur til
kennslu í þjóðfélagsfræðum. Telur há-
skólaráð mikilvægt að marka þá stefnu, að
kennsla í þessum greinum hefjist haustið
1970, enda verði tryggt, að fjárveitingar
fáist til kennslu, bókakaupa og til að skapa
stúdentum og kennurum aðstöðu við hæfi.
Varðandi næsta háskólaár telur háskóla-
ráð miklu varða, að könnun fari fram á því
með viðtölum í næstu viku, hve margir
stúdentar óski að hefja nám í almennum
þjóðfélagsfræðum. Að þessari athugun
lokinni, mun háskólaráð taka afstöðu til
þess, að fenginni umsögn þjóðfélagsfræði-
nefndar, sbr. næstu málsgr. hér á eftir,
hvort og á hvern hátt verði unnt að beina
stúdentum, er hug hafa á námi í almennum
þjóðfélagsfræðum, inn á námsgreinar, sem
* Háskólanefnd var skipuð að ósk háskólaráðs af
þáverandi menntamálaráðherra, dr. Gylfa Þ. Gísla-
syni 24. september 1966. í henni áttu sæti Jónas H.
Haralz, forstjóri Efnahagsstofnunar (formaður), Ár-
mann Snævarr háskólarektor, prófessorarnir Árni
Vilhjálmsson, Halldór Halldórsson, Magnús Magn-
ússon og Tómas Helgason; frú Auður Auðuns og
Benedikt Gröndal, formenn menntamálanefnda
Alþingis; Sveinn Björnsson, formaður Bandalags
háskólamanna; Skúli G. Johnscn, formaður Stúd-
entaráðs; og af hálfu Stúdentaráðs Bjöm Bjamason,
stud. jur., Höskuldur Þráinsson, stud. phil., og Helgi
Skúli Kjartansson, stud. phil.
hér eru stundaðar, eða hvort unnt verður
með öðrum hætti að hefjast handa um
inngangs- eða kynningarfyrirlestra á sviði
almennra þjóðfélagsfræða.
Háskólaráð samþykkir, að stofnuð verði
5 manna nefnd, og séu þrír þeirra til-
nefndir af háskólaráði og tveir af Stúdenta-
ráði háskólans, og hafi nefndin það verk-
efni að undirbúa kennslu í almennum
þjóðfélagsfræðum, er hefjast skal haustið
1970, svo og að hafa yfirumsjón með
könnun þeirri, er að framan greinir.“
Málið var tekið upp aftur á næsta há-
skólaráðsfundi (1. september 1969) og
voru tillögur rektors (Ármanns Snævarr)
þá samþykktar. Kosin var ofangreind
fimm manna nefnd. Háskólaráð kaus af
sinni hálfu próf. Björn Björnsson, for-
mann, próf. Guðlaug Þorvaldsson og Jón-
atan Þórmundsson lektor. Jafnframt var
lagt fram bréf Stúdentaráðs, að það hafi
kjörið af sinni hálfu í nefndina Helga Skúla
Kjartansson, stud. phil., og Pétur Guðjóns-
son, B.A. Um haustið tók Haraldur Ólafs-
son, fil. lic., sæti Péturs í nefndinni.
Skyldi nefndin taka upp tillögur félags-
fræðinefndar og fjalla um málið á grund-
velli þeirrar reynslu sem fengin var, einnig
í ljósi bréfa háskólanefndar og mennta-
málaráðuneytis. Þá skyldi nefndin, skv. er-
indisbréfi rektors (Ármanns Snævarr) koma
á fót inngangs- og kynningarfyrirlestrum
um þjóðfélagsfræði.
Nefndin kaus Helga Skúla Kjartansson,
stud. phil., ritara og réð sér ráðunaut,
danskan mann, háskólakennara í Banda-
ríkjunum, er hér dvaldi við rannsóknir,
Frederick Bredahl-Petersen, M.A. Er
nefndin var tekin til starfa, sat rektor
(Magnús Már Lárusson) nokkra fundi
hennar.