Árbók Háskóla Íslands - 01.01.1973, Blaðsíða 44

42
Árbók Háskóla íslands
Ræða varaforseta háskólaráðs, próf. Jónatans Þórmundssonar, á háskólahátíð
laugardaginn 4. nóvember 1972*
Herra forseti Islands, virðulega forsetafrú,
hæstvirtir ráðherrar, sendimenn erlendra
ríkja, kæru samkennarar, kæru stúdentar
og aðrir háttvirtir áheyrendur.
Ég býð ykkur öll hjartanlega velkomin til
þessarar athafnar. Háskólahátíð er fastur
liður í starfsemi háskólans, haldin í því
skyni að fagna nýjum stúdentum, marka
nýju háskólaári upphaf með formlegum
hætti og til að kynna háskólamönnum,
stúdentum og þjóðinni allri, hvað áunnist
hefur á liðnu háskólaári og hvaða verkefni
eru brýnust á því næsta. Háskólahátíð er að
þessu sinni haldin tveimur vikum síðar en
venja er. Löng hefð er fyrir því að halda
hátíðina fyrsta dag vetrar. Orsökin er öllum
kunn. Veikindi hefur borið að höndum.
Rektor háskólans, prófessor Magnús Már
Lárusson, var lagður á sjúkrahús á liðnu
sumri og skorinn upp við augnsjúkdómi.
Bati varð ekki slíkur sem vonast var til.
Háskólarektor er nú staddur í Svíþjóð og
hefur gengið þar undir nýja skurðaðgerð.
Vonir standa til, að sú aðgerð beri árangur.
Ég leyfi mér fyrir hönd þessarar samkomu
að senda háskólarektor hlýjar árnaðaróskir
og láta í ljós þá von, að hann komi fljótt til
starfa á ný.
I. Stjórn háskólans
í þeim veikindum, sem háskólarektor hefur
átt við að stríða, hefur komið enn betur í
ljós en áður, hve veik æðsta stjórn há-
skólans er. Ber þar margt til. Stúdentafjöldi
hefur farið hraðvaxandi síðastliðin ár. í
árslok 1968 voru stúdentar um 1300
talsins. í árslok 1971 voru stúdentar 1904,
og nú í haust eru skráðir stúdentar orðnir
2145. Á sama tíma hefur föstum kennurum
háskólans fjölgað verulega. Er þar drýgst
fjölgun dósenta og lektora. Þá hefur rann-
sóknastöðum fjölgað verulega. Jafnframt
hefur orðið að leita eftir stundakennslu í
sívaxandi mæli. Við bætast nýjar náms-
leiðir, er krefjast sérhæfðra starfskrafta.
Kennsluhættir hafa breytst og batnað.
Byggingaframkvæmdir hafa verið að sama
skapi miklar á þessu tímabili, þannig að
þeir, er útskrifuðust úr háskólanum fyrir 10
árum, þekkja hann naumast fyrir sömu
stofnun. Á sama tíma og þessi gleðilega
þróun hefur átt sér stað í stofnuninni, hefur
lítið verið hugað að stjórn háskólans.
Nokkuð hefur rýmkast um stjórnsýslu
skólans, en litlu hefur þokað um starfs-
krafta. Frá hausti 1969 hefur fengist ein
stúlka á skrifstofu. t>á bættist við á liðnu
sumri símastúlka, þegar tekið var upp sam-
eiginlegt símakerfi fyrir stofnunina. Nokkra
aðstoð hafa einstakar deildir fengið. Verk-
fræði- og raunvísindadeild hefur haft fastan
deildarfulltrúa frá 1. október 1971.
Heimspekideild fær deildarfulltrúa 1. jan-
úar n.k., en hefur haft lausráðinn deildar-
fulltrúa síðan í mars. Laga- og viðskipta-
deild hafa sameiginlega einn deildarritara.
Ljóst er þó, að mest er þörfin fyrir
starfsmann á ákvörðunartökustigi. Vinnu-
álag á embætti rektors og háskólaritara er
orðið meira en góðu hófi gegnir, eins og
best skilst, þegar þróun undanfarandi ára er
• 1 veikindaforföllum rektors stýrði varaforseti háskólaráðs (vararektor) háskólahátíð að þessu sinni. Gegndi
próf. Jónatan Þórmundsson störfum rektors frá 19. október 1972 til 22. janúar 1973.