Búnaðarrit - 01.01.1991, Blaðsíða 16
framan af árum. Meira mun þá hafa borið á honum á Búnaðarþingi t.d. sem
formanni allsherjarnefnar þingsins.
Þrátt fyrir þetta eru menn þegar árið 1955 búnir að koma auga á Gunnar
sem líklegt foringjaefni þegar að því kæmi að Sverrir Gíslason í Hvammi léti
af formennsku.
Gunnar sat framan af oftast í allsherjarnefnd á Stéttarsambandsfundum
en síðari árin í verðlagsnefnd, sem þá var mesta átakanefndin á meðan
verðlagningin var höfuðbaráttumál Stéttarsambandsins. Þá var ekki hvað
síst tekist á um verðhlutföll á milli sauðfjárafurða og mjólkur.
Gunnar var kosinn varamaður í stjórn Stéttarsambandsins á aðalfundi í
Bifröst í Borgarfirði árið 1961. Hann hafði því aðeins setið tvö ár sem
varamaður í stjórn er hann tók við formennsku Stéttarsambandsins eftir
aðalfundinn í Reykjavík 1963.
Allt frá stofnun Stéttarsambands bænda 1945 og fram yfir 1970 voru það
verðlagsmálin fyrst og síðast, sem voru til umræðu á Stéttarsambandsfund-
um. Baráttan beindist stöðugt að því að tryggja bændum í reynd sambæri-
legar tekjur fyrir vinnu sína við það sem aðrar stéttir höfðu á hverjum tíma.
Að því þurfti að fara margar leiðir, fá viðurkenningu á margháttuðum
kostnaðarliðum við búreksturinn, leitast við að halda útgjöldum niðri og fá
rekstraraðstöðu bætta.
Auk þessa tók Stéttarsambandið þátt í því með Búnaðarþingi að berjast
fyrir mörgum framfaramálum sveitanna svo sem samgöngubótum, rafvæð-
ingu sveitanna, úrbótum í skólamálum og annarri félagslegri þjónustu.
Fyrstu tíu árin eða svo sinnti Gunnar þó öllum þessum störfum án þess að
hafa fast aðsetur í Reykjavík og fylgdu því óteljandi ferðir að heiman og
heim, og voru þá nætur eða tími utan venjulegs vinnutíma notaður til
ferðanna. Þennan tíma hvíldi búskapurinn þó að mestu á Ástu og börnum
þeirra þó að alltaf fylgdist Gunnar með, með daglegum símtölum.
Búnaðarþing
Gunnar Guðbjartsson var fyrst kjörinn á Búnaðarþing fyrir Bsb. Snæfell-
inga árið 1951. Þá kom einnig til þings Ásgeir Bjarnason í Ásgarði sem
fulltrúi Dalamanna.
Eins og áður hefur verið getið, var Búnaðarsambandi Dala- og Snæfells-
ness, sem stofnað var 1914, skipt í Bsb. Snæfellinga og Bsb. Dalamanna árið
1946. Þessar sýslur áttu saman tvo fulltrúa á Búnaðarþingi, og voru þeir
jafnan kosnir hvor úr sinni sýslu. Guðbjartur faðir Gunnars sat á Búnaðar-
þingi 1938-1950. Eftir skiptinguna þótti sjálfsagt, að hvort samband kysi
fulltrúa fyrir sig. Þess var þó ekki gætt að leita fyrir því formlegs samþykkis
stjórnar Búnaðarfélags íslands.
Þegar þessir ungu bændur voru komnir til þings, barst kæra úr Dalasýslu
um að allra formlegheita hefði ekki verið gætt, og vildu nú sumir ógilda
XIV