Búnaðarrit - 01.01.1991, Blaðsíða 250

Sigldi oftar en einu sinni til þess að kynna sér sandgræðslu, mjólkuriðnað,
trjárækt og fleira. Birti ritgerðir í blöðum og tímaritum um landbúnaðarmál
og skrifaði nokkur rit um sama efni.
Jónas Eiríksson var nemandi á Stend frá 1875-1877 og lauk þá prófi.
Hann var fæddur á Skriðuklaustri í Fljótsdal í Norður-Múlasýslu 17. júní
1851, dáinn á Breiðavaði í Eiðaþinghá í Suður-Múlasýslu 19. ágúst 1924.
Stundaði nám í Landbúnaðarháskólanum í Kaupmannahöfn 1882-1883.
Ferðaðist um Suður-Múlasýslu á vegum sýslunnar í nokkur sumur frá 1878
til þess að leiðbeina bændum í jarðrækt. Skólastjóri Búnaðarskólans á
Eiðum í Eiðahreppi í Suður-Múlasýslu 1888-1906. Bóndi á Eiríksstöðum í
Jökuldal 1881-1885, Ketilsstöðum í Jökulsárhlíð 1885-1888, Breiðavaði í
Eiðaþinghá 1906 til dánardags.
Páll Jónasson var nemandi á Stend frá 1875-1877 og lauk þá prófi.
Hann var fæddur á Héðinshöfða í Húsavíkurhreppi í Suður-Þingeyjar-
sýslu 3. mars 1852, dáinn á Þverá í Reykjahverfi í sömu sýslu 7. júní 1879.
Guttormur Vigfússon var nemandi á Stend frá 1875-1878 og lauk þá prófi.
Hann var fæddur í Geitagerði í Fljótsdal í Norður-Múlasýslu 8. ágúst
1850, dáinn þar 26. desember 1928. Kennari við gagnfræðaskólann á
Möðruvöllum í Hörgárdal í Eyjafirði 1880-1881. Stundaði nám við Land-
búnaðarháskólann í Kaupmannahöfn 1881-1882. Skólast jóri Búnaðarskól-
ans á Eiðum 1883-1888.
Leiðbeindi bændum um jarðrækt í Norður-Múlasýslu 1878-1880. Bóndi
frá 1888 til dánardags. Alþingismaður fyrir Suður-Múlasýslu 1892-1908.
Halldór Jónsson var nemandi á Stend frá 1875-1878 og lauk þá prófi.
Hann var fæddur á Laugabóli í Nauteyrarhreppi í Norður-ísafjarðarsýslu
12. apríl 1857, dáinn á Rauðamýri í sama hreppi og sýslu 3. febrúar 1941.
Ferðaðist nokkuð um Danmörku og kynnti sér þar ineðal annars ræktun
á Jótlandsheiðum. Vann að jarðyrkjustörfum eftir heimkomuna frá Noregi
hjá bændum við Isafjarðardjúp og víðar.
Kenndi búfræði veturinn 1878-1879 Guðjóni Guðlaugssyni, sem varð
mikill framámaður í íslenskum landbúnaði. Halldór var lengi oddviti í
Nauteyrarhreppi og áhugamaður um lands- og héraðsmál. Hann var bóndi
á Rauðamýri frá 1882 til dánardags.
Jósef Jón Björnsson var nemandi á Stend 1877-1879 og lauk þá prófi.
Hann var fæddur á Fremri-Torfustöðum í Miðfirði í Vestur-Húnavatns-
sýslu 26. nóvember 1858, dáinn í Reykjavík 8. október 1946. Hóf verklegt
búnaðarnám í Danmörku 1879-1880. Nam í Landbúnaðarháskólanum í
224