Búnaðarrit - 01.01.1991, Blaðsíða 64

bænda, en einnig hefur komið fram vilji um að greiða ekki til Bjargráða-
sjóðs. Ég hef aflað ýmissa upplýsinga fyrir nefnd þá, sem vinnur að
endurskoðun trygginga fyrir garðyrkjuna.
Þá hef ég unnið að upplýsingaöflun varðandi framleiðslu og sölu inn-
lendrar framleiðslu afskorinna blóma.
Umbeðnar upplýsingar hafa ekki borist frá öðru blómadreifingarfyrir-
tækinu, og er það miður.
Nokkuð hefur verið um, að menn óska eftir áburðarleiðbeiningum, en
því miður er töku jarðvegssýna ekki sinnt sem skyldi. Aðeins með
niðurstöðum þeirra er hægt að gefa góðar áburðarleiðbeiningar.
Vaxtarlýsing er nú vonandi að komast aftur á skrið, og hef ég leiðbeint
nokkrum aðilum með uppsetningu búnaðar og val á búnaði.
Ég fór á blómasýningu sem haldin er í Aalsmeer í Hollandi í byrjun
nóvember ár hvert, og var ég þar frá 8.-13. nóvember. Sýningin var með
hefðbundnu sniði, á 2.2 ha í uppboðsmarkaðinum í Aalsmeer.
Þar mátti sjá mörg ný afbrigði eldri tegunda, en lítið var um nýjar
tegundir. Einnig var ýmiss konar tæknibúnaður og rekstrarvörur til sýnis.
Tilraunastöðin í Aalsmeer var einnig skoðuð og nokkrar garðyrkjustöðv-
ar.
íslenskir garðyrkjubændur gera sér vel grein fyrir því, hversu mikilvægt
er, í harðnandi samkeppni, að fylgjast með nýjungum. Búnaðarfélagið
styrkti mig til fararinnar, og kann ég stjórn og búnaðarmálastjóra bestu
þakkir fyrir.
Til mín bárust kvartanir vegna endurgreiðslu á virðisaukaskatti af
innlendu grænmeti. Reglugerð þar að lútandi er ekki sniðin að íslenskum
aðstæðum, og virðast verslanir í sumum tilfellum hirða endurgreiðsluna
sjálfar þó svo lækkunin, sem um ræðir, lendi á framleiðendum. Ég hef
óskað eftir því við fjármálaráðuneytið, að reglugerðin verði lagfærð þannig,
að tilgangurinn, lækkun á verði grænmetis, nái fram.
Að lokum skal vikið að þeirri grein, sem minnst leitaði til mín, en það er
kartöfluræktin. Ég fór með Sigurgeiri Ólafssyni í heimsókn í Þykkvabæ. Úr
grösum, sem hann tók þar, greindist kartöflumygla, og er eftirleikurinn
flestum í fersku minni.
Ljóst er, að sjúkdómar í kartöflurækt er slík vá, að ef ekkert verður að
gert, er framtíð þessarar greinar í hættu.
Að lokum vil ég þakka garðyrkjubændum og samstarfsfólki mínu góðar
viðtökur og ánægjulegt samstarf.
38