Búnaðarrit - 01.01.1991, Blaðsíða 93

20 manns innlendir, og hiö síðara í ágúst fyrir Dani, og vorum við
ráðunautar leiðbeinendur á báðum.
Erindi fyrir ráðunautafund s.l. vetur sömdum við Kristinn og fluttum
báðir.
Reglugerð er í smíðum og lýkur fijótlega.
Tamningastöðvar. Kom í heimsókn á 17 stöðvar víða urn land á vetrinum,
sumar oftar en einu sinni.
Stóðhestar til útflutnings. Mjög margir ógeltir hestar voru seldir til
útlanda eða 62 alls, þar af 19 með dóma og af þeim 5 með 1. verðlaun.
Upprunavottorð. Það mál tel ég vera í ógöngum, og fæ ég ekki séð fyrir
endann á því. Það snertir mig hins vegar minna en félaga minn, Kristin
Hugason, og læt ég honum eftir að skrifa um það. Hins vegar á málið sér
sína sögu, sem getur orðið betri, ef málin þróast að okkar skapi.
Hrossaræktarnefnd er nýkjörin af Búnaðarþingi, og er skipan hennar á
skjön við ákvæði laganna. Þar starfa fleiri menn en ættu að vera. Einn aðili
frá hvorum, Félagi hrossabænda og Landssambandi hestamanna, væri nóg,
og svo tveir starfandi héraðsráðunautar auk formanns. Nú hafa fulltrúar
F.H. og L.H. meirihluta í nefndinni, og þegar svona illa skipast í hana, sem
raun varð á, vinnast málin seint. Þetta hefði hins vegarflotið svona eitthvað
áfram, ef nefndir aðilar hefðu verið eðlilegir í samstarfi. Nú er séð, að þetta
er allt hið versta mál, og við fyrsta tækifæri þarf að leiðrétta það og fækka
nefndarmönnum, hvort sem menn læra svo nokkuð af mistökum sínum og
lúalegri framkomu. Nefndin er raunar óstarfhæf, þótt hún verði kannske að
tóra í eitt ár í viðbót. Haldnir voru 7 fundir á árinu.
Þrítugasta starfsár mitt hjá Búnaðarfélagi Islands er nú næstum liðið. Það
hefur verið um flest, frá mínum bæjardyrum séð, frábær tími í starfi. Aðeins
á liðnu ári hef ég orðið var við „óhreina anda“ í starfi mínu. Einhver leið
finnst til að bæta það, en „svo lengi lærir sem lifir“.
Ég færi þakkir fyrir ágætt samstarf öllum í Búnaðarfélaginu svo og öðrum
góðum félögum um allt land og þakka, á átakatíma, traust mér sýnt.
Ritskrá:
Ýmsar skýrslur og greinar. Hrossarœktin 5, 1989.
Stóðhestar hrossaræktarsambanda og einstaklinga. Handbók bœnda 1990 40. árg. (241-248).
Um ræktun hornfirskra hrossa. Jódynur2. bindi 1990, ritstjóri Egill Jónsson (31-40).
Bókaforlag Odds Björnssonar Akureyri.
Staða hrossaræktar, möguleikar til aukinnar arðsemi. Rádunautafundur B.í. og Rala 1990
(29-37) (sameiginlega með Kristni Hugasyni).
Að fleyta kerlingar (svargrein). Hesturinn okkar 1990 31. árg. nr. 6 (44).
f hreinskilni sagt. Eidfaxi 1990 (1), 6-8 (ásamt Kristni Hugasyni).