Morgunn - 01.06.1921, Side 109

MORGUNN
103
Lyft voram anda.
Lyft vorum anda, alheimssál,
upp til þín, upp til þín hærra!
Ger hugsvið vort hreinna og stærra.
Lyft vorum anda og lát hann fá
leiðarstein um veraldarsjá.
Fyll vorar sálir sóldýrð þinni,
syng oss þitt eilifa kærleiksmál.
Ger þoku og skugga mannlífsins minni.
Lyft vorum þroska — og lát oss sjá,
að lífið er brautin, sem stefnir
i eilifðar-ríkin himin-há.
Heyr vorar þrár, sem kalla þig á.
Kný fram til göfgi og kærleiksdýptar
þá kynslóð, sem myrðir og hefnir.
Lát skínandi varðelda vizku þinnar
vegina lýsa i rétta átt.
Ger heiminn fullan af friði og sátt.
Lyft vorum krafti, lífsvakans haf!
í ljós-sókn komandi tíða,
svo veröldin risi rústum af
og renni dagur með geislastaf
til þeirra, sem birtunnar bíða.
Blessa alla, sem ljóssins leita..
Leið þá, sem enn þá förlast sýn
og þrá en vita’ ekki um veg til þín.
J. Björnsson.