Morgunn - 01.06.1944, Blaðsíða 84

80
MORGUNN
Þótt útgefandinn legði enga slíka spurning fyrir dr.
Matthews, dró hann þá ályktun af orðum hans, að hann
„myndi fúslega fleygja fyrir borð öllum trúarsetningum,
„dogmum“, kirkjunnar, ef hann gæti leitt menn með þeim
hætti til Krists“.
Annar þeirra, sem í bókina skrifa, er hinn þekkti guð-
fræðingur, Leslie Wetherhead. Ekki virðist hann heldur
leggja mikið upp úr ,,dogmum“ kirkjunnar. Hann minnist
á, hve fjarlæg kirkjan sé í predikun sinni hugsunarhætti
nútímamannsins, og um það farast honum m. a. orð á
þessa leið: „Oft hlýtur hinum venjulega manni, sem á mál
vort hlýðir, að detta í hug, að vér séum blátt áfram að tala
mál, sem hann skilur naumast og er honum fjarlægt. Trú-
in er svo þýðingarmikið mál, að engum má leyfast að bera
hana fram fyrir aðra í því formi, að hann segi: Ef þér trú-
ið ekki þessu og þessu, getið þér ekki orðið einn af oss!
Jesús sagði við lærisveina sína: Fylgið mér! Þar átti hann
við ákveðna lífsstefnu, en ekki neitt ákveðið trúfræðikerfi.
Trúðu þeir á guðdóm hans? — Nei, ekki þá. Trúðu þeir
kenningunni um meyjarfæðinguna? — Nei, ekki þá. En
þeir trúðu á hann“.
Herra Wetherhead er bersýnilega ekki á sömu skoðun
og Anvil, sem segir, að menn verði ekki skoðaðir kristnir,
ef þeir sæki ekki kirkju, „Kirkjan hefur haldið frá sér
þúsundum af ágætisfólki, sem er „fyrir utan“ vegna þess,
að það getur ekki trúað“, segir hann.
Eric Loveday prestur er einn þeirra, sem þarna skrifa,
og hann er í ýmsum atriðum ósammála Wetherhead. Hann
heldur því fram, að kirkjan sé „þungamiðja kristindóms-
ins“. En þar á hann við kirkju framtíðarinnar. Um kirkj-
una, eins og hún er nú, segir hann: „Kirkjan er stöðugt að
svara spurningum, sem enginn ber fram“. Þessi prestur er
ekki myrkur i máli. Hann fullyrðir, að meiri hluti íbúanna
á Bretlandseyjum álíti kirkjuna mannaverk, sem eyðileggi
hlut, sem annars væri dýrmætur (kristindóminn). „Við
höldum því fram“, segir hann, „að tilbeiðslan sé háleitasta