Morgunn - 01.12.1956, Blaðsíða 35

MORGUNN
113
þess, að ég var sannfærður um, að hér væru blekkingar
einar á ferðinni, og ætlun mín var eingöngu sú, að afhjúpa
svikin og gera almenningi svikin ljós. En vegna þess að
nú hefi ég komizt að þveröfugri niðurstöðu eftir rann-
sóknir mínar, tel ég engu síður skyldu mína að segja frá
henni. Þessi er fyrst og fremst ástæða þess, að ég birti
nú opinberlega niðurstöður mínar; ég tel það skyldu mína.
„Fyrst og fremst", segi ég,, en það sem einnig knýr mig
fram fyrir almenning með þetta mál, er sú ósk mín, að
miðla öðrum af þeirri þekkingu, sem ég veit að muni gera
þá að betri og hamingjusamari mönnum“.
Og Edmonds dómari hélt rannsóknum sínum áfram.
Hann kynntist margvíslegum miðlafyrirbrigðum, hélt ná-
kvæmar skýrslur yfir öll fyrirbrigði, sem á vegi hans urðu,
beitti öllum þeim varúðarráðstöfunum, sem hann kunni
tök á, og beitti vitsmunum sínum og víðfrægri skarp-
skyggni við verkefnin. Eftir harða baráttu við eigin efa-
semdir varð sannfæring hans svo örugg, að í stórblöðin
fyrir vestan haf reit hann hvern greinaflokkinn af öðrum
til að kynna almenningi, hvað hér væri um að vera. Innan
skamms komu sálrænar gáfur í Ijós hjá sjálfum honum, og
hann fékk fyrir eigin miðilsgáfu orðsendingar, sem hann
birti hiklaust opinberlega. Og hjá Láru dóttur hans komu
einnig merkilegar miðilsgáfur í ljós. Þótt hún kynni, auk
móðurmáls síns, aðeins frönsku, talaði hún undir trans-
áhrifum níu tungumál, spænsku, frönsku, ítölsku, grísku,
Portúgölsku, latínu, ungversku og Indíánamállýzkur.
Yfir þessi fyrirbæri og fjölmörg önnur, sem hann rann-
sakaði, hélt hann nákvæmar skýrslur, og beitti jafnan við
þau vægðarlausri gagnrýni. En hann var gagntekinn af
Virðingunni fyrir sannleikanum og þessvegna birti hann
almenningi allt, sem hann taldi sig vissan um, að væri
satt og rétt. Sennilega hefir enginn maður greitt spíritism-
anum veg á byrjunarárum hans í Vesturheimi eins og
þessi víðkunni dómari.
Til æviloka var hann hiklaus í sannfæringu sinni, og í
8