Morgunn - 01.12.1956, Síða 62

140
MORGUNN
Nei, og meira að segja aðeins leið, sem fáir fara. Hér
hjá okkur eru margir skólar, sem veita fræðslu.
Ritmiðillinn, Stainton Moses, hafði andmælt
ýmsu því, sem hönd hans hafði skrifað,, án þess
hann fengi við það ráðið. Ýmislegt hafði skrifazt,
sem var í andstöðu við guðfræðilegar hugmyndir
hans og trú. Þá var ritað með hendi hans:
Guð! Hann þekkið þið ekki. Síðar, þegar þið eruð komn-
ir inn fyrir fortjaldið, sem skilur heim andanna frá ykk-
ar, munuð þið undrazt, hve fráleitar hugmyndir þið hafið
gert ykkur um Guð. Hann er allt annar en þið hafið ímynd-
að ykkur. Hann sýnir miskunn og fyrirgefur þeim fávísu
og dauðlegu mönnum, sem hafa klætt hann sinni eigin
mynd. Hann álasar ekki þekkingarleysi ykkar, en hann
álasar þeirri heimsku, sem heldur dauðahaldi í gamlar og
lágar hugmyndir um hann og sem vill ekki hleypa neinni
ljósglætu inn í hin myrku og köldu musteri, sem þið reisið
honum. Hann álasar þeim, sem elska myrkrið og hata
ljósið og halda dauðahaldi í gamlar, frumstæðar hug-
myndir, svo að þeir fá ekki séð hið fagra í hinni stórkost-
legu opinberun Krists. Þeir eru ekki margir ykkar á með-
al, sem eru móttækilegir fyrir æðri fræðslu. En þú ert einn
þeirra. Og þegar þú kvartar yfir því, að kenning okkar
sé í mótsögn við Gamla Testamentið, þá svara ég aðeins,
að kenning okkar sé aðeins í mótsögn við þær úreltu og
hneykslanlegu hugmyndir um Guð, sem gera hann að reið-
um, öfundsjúkum, mannlegum harðstjóra, en algerlega
samhljóða þeirri guðdómlegu, innblásnu opinberun, sem
Kristur flutti frá honum, opinberun, sem mennirnir hafa
síðan falsað og jafnvel hinir beztu meðal kristinna manna
hafa fallið frá.
Hættu að skeyta svo mjög um aukaatriðin. Reyndu að
dvelja við hina brennandi miklu nauðsyn á hreinni guðs-
opinberun. Hættu að brjóta heilann um ímyndaðan Satan.
Slíkur Satan eða höfðingi hinna illu, sem guðfræðingarnir