Morgunn - 01.12.1956, Side 76

154
MORGUNN
var orðin þriggja ára gömul, brá svo kynlega við, að hún
fór að neita að bera nafnið Shanti og staðhæfði, að hún
héti Anned og væri gift klæðsalanum Ahmed Ludgi, sem
ætti heima í bænum Muttra og væri múhameðstrúarmað-
ur. Enginn vina eða ættingja litlu stúlkunnar kannaðist
við bæinn Muttra, eða nafnið Ahmed Ludgi. Þegar Shanti
litla var 7 ára gömul, þekkti hún vel bænir og helgisiði
múhameðstrúarmanna, án þess unnt væri að gera sér grein
fyrir, hvaðan barnið hefði þessa vitneskju, eða hver hefði
veitt henni fræðslu um þetta.
Nú urðu foreldrar hennar hræddir um, að hún væri and-
setin, á valdi einhvers anda, og sneru sér til brahmina-
prests og leituðu hjálpar. Hann réð þeim til að fara með
litlu stúlkuna til Benares. Þar var hún um mánaðar skeið
í rannsókn hjá fjórum læknum, sem störfuðu við háskól-
ann. Það varð sannað, að hvorki litla stúlkan né foreldrar
hennar höfðu nokkra hugmynd um, hvar bærinn Muttra
er, eða höfðu nokkuru sinni haft samband við nokkurn
mann frá Muttra. Enn fremur gengu þeir úr skugga um,
að hvorki foreldrarnir né barnið þekktu nokkurn mann að
nafni Ahmed Ludgi. Samt reyndist allt rétt, sem Shanti
litla sagði. 1 þessum allstóra bæ, Muttra, sem byggður er
múhameðstrúarmönnum, reyndist klæðasali, Ahmed Ludgi
hafa rekið fyrirtæki í 30 ár. 28. okt. 1928 hafði hann misst
konu sína, sem hafði heitið Anned. Svo furðulega nákvæm-
ar reyndust upplýsingar Shanti litlu um þennan mann, að
rétt reyndist það, sem hún sagði um eftirlætismatinn hans,
og margt annað. Læknar, sálfræðingar og menn með kunn-
áttu í sálarrannsóknum (parapsychologie) kynntu sér mál-
ið og fengu mikinn áhuga fyrir þessu furðulega fyrirbæri.
Og í Nýju Delhi kom mönnum saman um, að sækja klæð-
salann í Muttra og fá hann til Nýju Delhi til að vita enn
betur, hvað væri hér á ferðinni.
Klæðsalinn kom nú til Nýju Delhi. Hann var látinn taka
sér stöðu með fimmtán öðrum karlmönnum og fram fyrir
þennan hóp var litla Shanti leidd. Hún hrópaði hátt: „Ég