Morgunn - 01.06.1963, Blaðsíða 21

MORGUNN
15
þar sem engin sál væri til. Nú er svo komið að kalla má,
að fjarhrifin eru að ná allsherjarviðurkenningu. En þá
eru þau notuð til þess að skýra hin hugrænu miðlafyrir-
bæri, og allt, sem fram kemur af því tagi hjá miðlum og
tjáist vera frá framliðnum mönnum komið, er talið vera
fjarhrif, flutningur hugsana milli jarðneskra manna, eða
þá myndir af minningum hins liðna, sem geymist í loftinu,
og skyggnihæfileikinn geti gripið.
Þessum mótbárum verða sálarrannsóknamenn í dag að
kunna að mæta. Og eins og um langt skeið hefir verið
gert, er af alúð og alvöru leitað þeirra hugrænna miðla-
fyrirbæra, sem útiloka tilgátuna um hugsanaflutning milli
lifandi manna. Mörg slík fyrirbæri hafa tvímælalaust verið
vottfest. Þau gerast í öllum löndum, og á þeim hvílir sú
skýring spíritista, að sum miðlafyrirbæri verði á engan
annan hátt skýrð en svo, að framliðnir menn standi á bak
við þau og hafi þannig sannað, að þeir lifa þótt látnir séu.
Mér er auðvitað ekki unnt í stuttu máli að rekja allar
mótbárur gegn þeirri skýringartilgátu, að látnir menn
standi á bak við sum miðlafyrirbærin, enda hefir þrásinnis
að þeim verið vikið á félagsfundum vorum og í Morgni.
En ég er að tala um það, hvernig spíritisminn stendur í
dag meðal vor, hvernig vér höldum á þessu málefni, og
mun ég nú frekar víkja að því.
Um skeið hafa verið háðar í blöðunum deilur um spírit-
ismann og sannleiksgildi hans, og mjög verið bornar á það
brigður. Því miður verður ekki annað sagt en það, að sumt
af því, sem til niðrunar og andmæla málefninu hefir komið
fram á við rök að styðjast. Með vaxandi áhyggjum hefi
ég fylgzt með því, hve menn blanda fáránlegum fullyrð-
ingum og barnalegri auðtrú inn í málið. Lélegasta tegund
spíritismans lætur hér á sér bæra, hvað eftir annað.
1 jólaviðtali við biskup landsins vék hann að þessum
efnum og á þann hátt, að mörgum þótti stórlega miður.
Að til sé hér á meðal vor — væntanlega ekki í þessu félagi,
en meðal þeirra sem teljast vera spíritistar — þessi teg-