Morgunn - 01.06.1967, Qupperneq 79

MORGUNN
73
stöðu spiritismans í svíþjóð og efla þar áhuga manna fyrir
þessum málum. Frú Astrid hefur þar komið fram í sjónvarp-
inu, og f jöldi greina um hana og hæfileika hennar hafa birzt
bæði í blöðum og tímaritum. Sjálf gerir hún grein fyrir vitr-
unum sínum á þá lund, að heili hennar starfi að minnsta kosti
á stundum, líkt og sjónvarpstæki, sem þá getur náð myndum
úr vitund þeirra, sem farnir eru af þessum heimi, og tekið við
einhvers konar bylgjum frá þeim.
Hún hefur nýlega skrifað bók um dulgáfur sínar, sem hún
nefnir: Ég veit. Var sú bók afar mikið keypt og lesin og var
meðal hinna mestu sölubóka ársins.
Maður hennar, Bengt Gilmark, saksóknari, er gætinn
maður og athugull. Starf hans hefur kennt honum að at-
huga jafnan gaumgæfilega málavexti, meta og vega sann-
anir og rök bæði með og móti, áður en hann kveður upp
úrskurði. Hann vildi því í fyrstu lítið segja um dulhæfileika
konu sinnar, en fylgdist náið með öllu því, sem gerðist í
sambandi við skyggnigáfur hennar. Nú er hann að fullu
sannfærður um raunveruleik fyrirbæranna.