Viðar - 01.01.1936, Side 19

Laugarvatnsskóli.
Skólamál Sunnlendinga á sér langa sögu. Árið 1880 er fyrst
samþykkt í sýslunefnd Árnessýslu að stofna »ungmennaskóla« á
Suðurlandi. Þá var fyrsta nefndin kosin í málið og reglugerð sam-
in fyrir væntanlegan skóla. Ekkert varð úr framkvæmdum, málið
lá niðri þar til árið 1908. Þá var það tekið upp að nýju. Síðan stóð
látlaus barátta um þetta mál, einkum um staðarvalið, þar til 1927,
að Jónas Jónsson, þá ráðherra, ákvað að skólinn skyldi reistur á
I augarvatni. Fimm hreppar í Árnessýslu sameinuðust um það að
g'erast stofnendur skólans með stuðningi sýslunnar.
Húsameistari hafði einnig mælt ákveðið með Laugarvatni sem
skólasetri fyrir Suðurland. Mun hann fyrstur manna hafa kveðið
upp úr og- sagt, að Laugarvatn væri »lang-heppilegasti« staðurinn á
Suðurlandi. Byggingarnefnd var kosin, þar sem Böðvar Magnússon
var form. Hafði hann sýnt mikla víðsýni í því að láta þessa glæsi-
legu jörð af hendi til skólaseturs. Verkið var hafið 12. júní 1928.
Það sumar voru byg'gðar tvær burstir. Samhliða var gerð vatns-
leiðsla, gufuleiðsla. heim í eldhús og rafstöð. Rúmaði þessi bygging
24 nemendur. Séra Jakob Lárusson varð skólastjóri og Guðmundur
Ólafsson kennari. Þeir eru því fyrstu leiðtogar skólastarfsins hér.
Þetta sama sumar var einnig reist sundlaug, 12% x 7 st. auk
ganga, baðklefa o. þ. h. Sumarið eftir (1929) voru svo reistar fjór-