Viðar - 01.01.1936, Síða 35

Viðar]
Síra Sigtryggur Guðlaugsson
prófastur.
Eftir Ásgeir Ásgeirsson.
Síra Sigtryggur er fæddur að Þremi í Öngulsstaða-
hreppi í Evjafjarðarsýslu 27. sept. 1862, en ættaður úr
Fnjóskárdal. Hann ólst upp við fátækt og nægjusemi og
var þó aldrei af öðrum þegið. Foreldrar hans voru atorku-
mikil og heimilið gott. Faðir hans var söngvinn og lag-
tækur. En fátt eitt var kennt í æsku, nema það sem börn-
in sjálf höfðu framtak um, en það skorti heldur ekki.
Bræðurnir Sigtryggur og Kristinn voru bæði gáfaðir og
listhneigðir og fór fljótt orð af, að fleira væri sungið og
talað að Þremi en annarstaðar tíðkaðist. Þar var m. a.
leikið á langspil.
Um átján ára aldur var Sigtryggur ráðinn til barna-
kennslu í sókninni. Kaupið var 1 króna á viku og allt
frítt. Þótti það fullborgað, þar sem ekki var unnið nema
átta stundir á dag. En síðar kenndi hann í nágranna-
hreppi og var þá kaupið þrefaldað.
Sigtryggur stofnaði félag í sveit sinni meðal ungra
manna. Var það bókakaupafélag og blaðaútgáfu og jafn-
framt bindindisfélag. Þótti hinum eldri mönnum það full-
djarft af unglingum. En í þessu beygðist krókurinn
snemma til þess, sem síðar varð.
Útþrá Sigtryggs var snemma sterk. Langaði hann sárt
til að komast í kennaraskóla í Svíþjóð, sem Þorvaldur
Thoroddsen hafði ritað um í Andvara. En á því voru eng-
in tök. Var hann um skeið hugsandi um ráð sitt. Vann
hann það heit í þungri legu að gerast prestur, ef hann
lifði, og nokkur kostur væri. Fékk hann skjótt tilstyrk
hins ágæta manns, síra Jónasar á Hrafnagili, til að efna
heitið. Þar naut hann kennslu og góðs atlætis.