Viðar - 01.01.1936, Qupperneq 50

36
NÚPSSKÓLI 1906—1936
[Viðar
Næfranesi í Dýrafirði fyrst að skólanum og dvaldi í
heimavistinni ásamt skólastjóra og nemendum.
Kenndi hann fyrir reikning skólans ensku og leikfimi,
og auk þess kenndi hann nokkrar námsgreinir aðrar í
kennsluskiptum við skólastjóra, er kenndi aftur í barna-
skóla þeim, er Björn veitti forstöðu.
Var Björn þá nýkominn heim úr ársdvöl á Norðurlönd-
um, til að kynnast lýðskólamálum, og hafði veturinn áð-
ur dvalið við lýðháskólann í Askov. Var hann fullur á-
Á heimaunnum skíðum.
huga og fjörs og færði skólanum nýtt líf og hressandi
blæ.
Eftir þessi 3 fyrstu skólaár eru byrjunarörðugleikar
skólans yfirunnir, skólinn er kominn í fast horf og fram-
tíð hans trygg. Nemendafjöldi er úr því nokkuð jafn frá
ári til árs, eða 20—30 á ári, er var það ítrasta, miðað við
það húsrúm, er skólinn hafði yfir að ráða. Húsin voru
aukin og endurbætt, eftir því sem kröfur tímanna um
rými og meiri þægindi jukust og ástæður leyfðu. Fjárhag-
ur skólans var þó alla jafnan of þröngur til þess að standa
undir árlegum útgjöldum, hvað þá til nýrra bygginga,
þrátt fyrir árlegan styrk frá Vestur-ísafjarðarsýslu og
ríkinu.
En skólastjórinn átti skólann meira en að nafninu. Þeg-