Íslenskt mál og almenn málfræði - 01.01.1994, Blaðsíða 231

Frá ritstjóra
Það mun nú vera nokkuð á áttunda ár frá því að ég tók við ritstjóm íslensks máls
og almennrar málfrœði. Á þessum tíma hafa komið út átta árgangar tímaritsins í fimm
bindum. Ritstjórastarfið hefur verið lærdómsríkt og ánægjulegt en öllu er mörkuð stund
og því læt ég nú af ritstjóminni, glaður í sinni.
Ég þakka öllum sem lagt hafa tímaritinu lið og stuðlað að viðgangi þess í ritstjóratíð
minni. Stjóm íslenska málfræðifélagsins hefur unnið ötullega að útgáfu tímaritsins með
margvíslegum hætti. Margir ritstjómarmenn og ýmsir aðrir hafa lesið handrit greina og
bent á sitthvað sem betur mátti fara. Málvísindastofnun hefur annast prófarkalestur og
séð um dreifingu að talsverðu leyti. Loks hefur verið ómetanlegur styrkur að ömggri
aðstoð snjallra umbrotsmanna, lengst af Friðriks Magnússonar en fyrst Bjöms Þórs
Svavarssonarog nú síðast Bessa Aðalsteinssonar.
Það vekur oft furðu erlendra málfræðinga að íslensk fræðasystkin þeirra skuli þess
megnug að gefa út fagtímarit. Tímaritið verður enda ekki til af sjálfu sér lieldur aðeins
með samstilltu átaki allra í hinu smáa en knáa íslenska málfræðisamfélagi. Mikilvægast
er auðvitað framlag sjálfra höfunda efnisins. Samstarfið við þá hefur verið eins og best
verður á kosið og hafi þeir allir þökk fyrir.
Við stjómvelinum tekur nú þrautreyndur maður, fyrrverandi ritstjóri tímaritsins
og einn af máttarstólpum fslenska málfræðifélagsins allt frá upphafi þess, Höskuldur
Þráinsson. Ég þykistþess fullviss að ritstjórn hans verði röggsöm og traust sem fyrr og
býð hann sem allra best kominn til starfans.
Halldór Armann Sigurðsson