Íslenskt mál og almenn málfræði - 01.01.2007, Page 134

132 Margrét Jónsdóttir
halað eða halið hefur verið niður (dæmi sótt 24. janúar 2008; vefslóðir
styttar hér og eftirleiðis):
(5) a. Magn niðurhals er óskilgreint. (www.rhi.hi.is)
b. Síminn tekur hér fyrsta skrefíð í að lækka verð á inniföldu
gagnamagni (niðurhali) ífá útlöndum. (www.vidskiptabladid.is)
c. Þar er í dag talað um „sótt gagnamagn" eða „niðurhal“.
(www.molar.is)
Allar eldri heimildir um hala sýna veika beygingu sagnarinnar og í
nánast öllum samtímalegum heimildum er niðurhala beygð veikt. Því
hafa dæmin um sterku beyginguna komið nokkuð á óvart eins og áður
hefur verið minnst á. Lítum á þau.
Dæmin sem fundist hafa á Netinu eru hátt á annan tug. Hér koma
nokkur í viðbót, öll tekin orðrétt úr heimildum (sótt í október 2007 og
janúar 2008). Fyrst koma þau sem eru í nútíð; þau eru í öllum pers-
ónum eintölu. í síðasta dæminu er sagnarsambandið hala niður; niður
er því ögn.
(6) a. En stundinn er runninn upp, ég ... er kominn með ADSL 2000,
sem þýðir að ég downloada (niðurhel) 2 mb. á sek... úff
(nabbi.blogspot.com)
b. Ég semsagt niðurhel þáttunum af netinu eftir að þeir eru sýndir
í BNA. (hrannarm.blogspot.com)
c. Ég veit ekki um einn aðila sem niðurhelur ekki ólöglega.
(www.eoe.is)
d. Þið vitið væntanlega að það stendur í skilmálum þeirra allra að
ef þú niðurhelur of miklu þá munu þeir takmarka þjónustu sína
til hins aðilans. (spjall.vaktin.is)
e. Algjer snilld og ég auðvitað helur maður þessu niður jafnóðum
ásamt fullt af öðrum þáttum sem maður fylgist með (dark
bastard.8pixel.net)
Nú vaknar sú spuming hvort dæmin í (6) bendi eindregið til þess að
niðurhala sé sterk sögn. Svo er vissulega ekki. Fræðilega er hugsan-
legt að hér sé á ferðinni nútíð af sögn af sömu gerð og fela eða telja■
Vissulega hefur fundist dæmi um nafnháttinn niðurhela en það er að