Íslenskt mál og almenn málfræði - 01.01.2007, Qupperneq 214

212
Ritdómar
innrömmuðu greinunum. Þessum fróðlegu greinum er mjög haganlega fyrir komið í
bókinni og þær lífga upp á hana rétt eins og venslaritin gera. í tveimur innrömmuðum
greinum eru tilvitnanir i fomar bókmenntir, annars vegar í Snorra-Eddu (bls. 22) og
hins vegar í Hávamál (bls. 53), og sýna þær að ekki eru öll íðorðin í umhverfistækni
nýyrði í íslensku máli.
Frágangur bókarinnar er mjög góður og vandað hefur verið til hennar á allan hátt.
Erfitt var að koma auga á villur en þó tók ég eftir að orðið lagstreymi (bls. 75) vantar
í íslenska orðaskrá i lok bókarinnar og skáletur vantar á einn staf í orðinu „fjörglæð-
ing“ (bls. 41). Ekki gat ég séð af hverju kyn nýyrða er ekki alltaf tilgreint í inn-
römmuðu skýringargreinunum (sbr. bls. 30 og 33) og í rammagrein á bls. 29 er nýyrði
ritað með hástaf (Leyst) en svo er ekki gert annars staðar í bókinni.
Með Umhverfistœkni — íðorðabók hefur orðanefhd í byggingarverkfræði aukið
íslenskan orðaforða og með vönduðum skilgreiningum hefur verið mótað orðafar sem
getur hjálpað til að finna hvemig komast megi að orði á íslensku í umhverfistækni.
Bókin er því mjög gagnleg þeim fræðimönnum sem hafa stundað nám í erlendum
háskólum og skortir orð til að ræða og rita um sérgrein sína á móðurmálinu.
Rétt er að geta þess að áður hafa komið út mjög vönduð orðasöfn, t.d. Tölvuorða-
safn og Flugorðasafn í ritröð íslenskrar málnefndar þar sem aðferðum íðorðafræð-
innar var beitt við vinnslu orðasafnanna þó að flettiorð í prentaðri útgáfú séu i staf-
rófsröð. Umhverfistœkni — íðorðabók telst þó vera tímamótaverk í íðorðaffæðum á
Islandi þar sem er unnið markvisst eftir alþjóðlegum stöðlum um vinnubrögð um
íðorðastörf og birtur er fjöldi venslarita. Þetta metnaðarfulla verk hefur til þessa ein-
göngu fengist á skrifstofú Verkfræðingafélags íslands og hefur því ekki fengið verð-
skuldaða athygli. Eftir alla þá miklu vinnu sem lögð hefúr verið í bókina þyrfti hún
að fá betri kynningu og fást víðar.
Ágústa Þorbergsdóttir
Stofnun Árna Magnússonar í íslenskum frœðum
Háskóla íslands
Neshaga 16
IS-107 Reykjavík, ÍSLAND
agustath@hi.is