Andvari - 01.06.2011, Side 30

28
GUÐRÚN KVARAN
ANDVARI
bindum og endurútgefið í átta bindum á árunum 1948-1954. Höfunda
er ekki getið við greinarnar.
Arið 1934 birti Jakob grein í Aarb0ger for nordisk Oldkyndighed um
Islandslýsingu Resens sem hann átti eftir að þýða og gefa út áratugum
síðar eins og fram kemur síðar í þessum skrifum. Greinin nefndist Om
kilderne til Resens Islandsbeskrivelse29 og er rækileg lýsing á þeim
heimildum sem Jakob taldi að Resen hefði nýtt sér.
Jakob skrifaði aðeins þrjár greinar sem beinlínis snertu nám hans
í klassískum fræðum, fyrir utan greinina um Virgil, þótt þau hafi
komið honum að miklu gagni við að íslenska síðari alda texta. í ritinu
Classica et mediaevalia átti Jakob grein á þýsku undir heitinu Ein
friihbyzantinisches Bibellexikon árið 1938. Sama ár birti hann grein á
frönsku, Sur la date de IG XII1, 46 í Lindiaka VIII, riti Blinkenbergs
en sú grein var m.a. afrakstur samvinnu þeirra. Síðasta greinin af
þessu tagi birtist 1940 undir heitinu Chronologie de deux listes de
prétres kamiréens.
Aðrar greinar fram til 1946 birtust flestar í Fróni eins og áður er
getið, og sama gildir um flesta ritdóma hans.
Kallaður heim
Árið 1946 urðu breytingar á lífi þeirra Jakobs og Grethe. Kristinn
E. Andrésson þurfti að fá tímabundið leyfi frá starfi sínu sem fram-
kvæmdastjóri Máls og menningar og leitaði til Jakobs um að leysa
hann af. Þar sem brottflutningurinn átti upphaflega aðeins að vera
tímabundinn skiptust þau á íbúð við Magnús Ásgeirsson skáld og konu
hans sem aftur fluttu í þeirra íbúð í Kaupmannahöfn.30 Jakob sagði
sjálfur frá framkvæmdastjóraárum sínum í aukahefti Tímarits Máls og
menningar31 í tilefni fimmtíu ára afmælis félagsins 1987 og er það sem
hér fer á eftir fengið þaðan.
Á Kristin höfðu hlaðist pólitísk störf. Hann var kjörinn á þing
1942-1946, var ritstjóri Þjóðviljans frá 1946 og starfaði fyrir Mál og
menningu. Samtímis vann hann að því að ljúka bók sinni íslenzkar
nútímabókmenntir 1918-1948 sem kom út í Reykjavík 1949. Þeir Jakob
og Kristinn þekktust ekki mikið, höfðu hist sumarið 1939 á íslandi
og aftur ári síðar í Kaupmannahöfn þegar Kristinn dvaldist þar í tvo
mánuði.