Uppeldi og menntun - 01.01.2012, Blaðsíða 39

Uppeldi og menntUn/icelandic JoUrnal of edUcation 21(1) 2012 39
gUðlaUg ólafsdóttir, hanna ragnarsdóttir og BörkUr hansen
Kennsluaðferðir í Lamptonskóla byggðust mikið á samræðum milli nemenda og
kennara og skýrt afmörkuðum verkefnum sem nemendur áttu að ljúka í tímum.
Áhersla var á lykilhugtök og voru nemendur hvattir til að nota hugtökin í rökræðum
um þau málefni sem voru til umræðu. Í kennslustundum var lögð áhersla á að skilja
persónur og atburði sem verið var að fjalla um út frá mismunandi sjónarhóli og dýpka
skilning nemenda á efninu. Nemendur voru hvattir til að koma með rök með og á
móti áður en þeir mynduðu sér sjálfir skoðun á efninu. Kennsluaðferðir sem byggjast
á samvinnu og samræðum kenna nemendum að vinna saman. Því má segja að félags-
legt uppeldi skólanna þriggja fari fram í gegnum námið.
Enginn skólanna þriggja býður upp á kennslu í móðurmáli nemenda en í öllum
skólunum voru nemendur og foreldrar þeirra hvattir til að viðhalda móðurmálinu. Á
bókasöfnum skólanna var hægt að útvega bækur á móðurmáli nemenda og einnig var
efni af netinu á móðurmáli nemenda nýtt sem stuðningur við námið.
Í íslensku skólunum hafa kennarar í nýbúadeildum unnið stigskipt próf í íslensku
til að fylgjast með framvindu námsins. Nemendur taka síðan eins fljótt og þeir geta
sömu próf og aðrir nemendur skólans. Markmið Lamptonskóla var að ná því besta út
úr hverjum nemanda og voru nemendur aðstoðaðir við að setja sér markmið um betri
árangur en þeir höfðu áður náð. Umsjónarkennarar voru lykilpersónur í að fylgjast
með námi og líðan nemenda. Þeir leituðu leiða til að bæta árangur nemenda ef mark-
miðin náðust ekki eða ef nemandi dalaði í náminu. Nemendur í skólunum gátu fengið
aðstoð við heimanám í skólanum í lok skóladags en nemendum Fellaskóla stóð til
boða heimanámsaðstoð á bókasafni hverfisins.
Í svörum viðmælenda kom fram að mikilvægt væri fyrir nemendur af erlendum
uppruna að einhver ákveðinn aðili innan skólans með sérþekkingu hefði umsjón með
kennslu markmálsins. Þeir töldu mikilvægt að nemendur gætu leitað til þessa aðila
með ýmis mál sem vörðuðu skólagönguna og veruna í landinu.
Samstarf við foreldra og vinna gegn einelti og fordómum
Misjafnt var í skólunum þremur hvernig staðið var að samstarfi við foreldra, en allir
viðmælendur voru sammála um mikilvægi þessa þáttar. Einn viðmælandi í Austur-
bæjarskóla sagði að kennarar ættu að vera leiðandi í foreldrasamstarfi, ekki væri hægt
að velta því yfir á aðra. Hann sagði:
Kennarinn verður að vera góð fyrirmynd og sýna að það er ekki gefið eftir. Það eru
ákveðin lögmál sem við vinnum eftir. Það má ekki gefa eftir og ekki gefast upp við að
ná til erlendu foreldranna. Það hefur sýnt sig að það skilar árangri að gefast ekki upp.
Reynsla þessa kennara var að foreldrar barnanna í bekknum væru tilbúnir að leggja á
sig vinnu til að ná til allra. „Það er alltaf einhver sem er til í að hjálpa að koma skila-
boðum á milli,“ sagði hann „og með þessu móti næst árangur.“
Í íslensku skólunum var haldið móttökuviðtal við upphaf skólagöngu erlendu
nemendanna þar sem bakgrunnsupplýsingum var safnað saman. Í viðtölum við
foreldra var boðið upp á túlkaþjónustu. Þar voru líka fræðslunámskeið á nokkrum
tungumálum á haustin fyrir foreldra af erlendum uppruna. Á þessum námskeiðum
var farið í gegnum ýmislegt sem tengdist skólagöngunni, kennt á upplýsingakerfi