Uppeldi og menntun - 01.01.2012, Blaðsíða 92
Uppeldi og menntUn/icelandic JoUrnal of edUcation 21(1) 201292
UndirBúningUr verðandi stærðfræðikennara
Guðmundur segir að fljótt hafi komið í ljós að skoðun nemanda á því hvert væri
eðli stærðfræðilegra fyrirbrigða hafi ráðið úrslitum um hvaða heimi hann tilheyrði.
Hins vegar bendir Guðmundur á að milli hverra tveggja heima séu tengsl og að nem-
andi sem trúir því að stærðfræðileg þekking tilheyri tilteknum heimi geti brugðið sér í
annan heim með viðfangsefni sín, jafnvel leyst þau þar og snúið til baka með lausnina
(Guðmundur Kristinn Birgisson, 2002).
Óneitanlega vaknar sú spurning í tengslum við rannsóknina sem hér hefur verið
til umfjöllunar hvort greining samkvæmt líkani Guðmundar á nemendum á stærð-
fræðikjörsviði í kennaranámi gæti ekki skilað sér í markvissari tilraunum kennara til
að styrkja veika hæfnisþætti hvers og eins. Myndu til dæmis þeir þátttakendur sem
glímdu við verkefni E og töldu allir að teikningar í tölvuforriti sönnuðu stærðfræði-
setningu flokkast sem íbúar í heimi reynslu? Vafalaust yrði það einstaklingsbundið
hvar veiku hlekkina væri að finna en niðurstaða rannsóknarinnar bendir þó til þess
að ekki veiti af því að stuðla að frekari landvinningum flestra kennaranema í hug-
takaheimi stærðfræðinnar og í heimi formlegrar stærðfræði þar sem röksemdafærsla
skipar öndvegi.
Eins og að framan greinir hefur skapast áhugi á þróun kennsluhátta í stærðfræði
í grunnskóla þar sem markmiðið er meðal annars að búa nemendum aðstæður til að
byggja upp hugtakaskilning sinn og ná þannig betri árangri í námi og þessi stefna,
hugsmíðahyggja, endurspeglast í nýjum kennslubókum hér á landi. Það er mikilvægt
að því sé fylgt eftir með rannsóknum hvernig tekst að vinna í anda þessarar stefnu og
hvaða árangur næst. Slík rannsókn myndi draga fram bæði sterkar og veikar hliðar á
námi verðandi stærðfræðikennara og verða þannig vísbending um hvernig megi bæta
námið á stærðfræðikjörsviði þannig að tryggt verði að kennarinn geti þegar á hólminn
er komið ýtt undir sjálfstæða hugsun og vangaveltur nemenda sinna, stutt við rök-
hugsun þeirra og örvað þá til stærðfræðilegrar ígrundunar.
HEiMilDir
Apple, M. W. (1993). Official knowledge: Democratic education in a conservative age . New
York: Routledge.
California Commission on Teacher Credentialing. (2010). California subject examinations
for teachers: Mathematics subject matter requirements. Sótt 2. janúar 2012 af http://
www.cset.nesinc.com/CS_SMR_opener.asp.
Confrey, J. og Kazak, S. (2006). A thirty-year reflection on constructivism in mathema-
tics education in PME . Í A. Gutiérrez og P. Boero (ritstjórar), Handbook of research
on the psychology of mathematics education: Past, present and future (bls. 305–345).
Rotterdam: Sense Publishers . Sótt 21 . nóvember 2010 af http://imo.pau.edu.tr/
sibel/confreykazak_constructivism.pdf.
Freyja Hreinsdóttir og Friðrik Diego. (2009, 11. febrúar). Gengi nýnema . Kynning á rann-
sókn á tengslum undirbúnings úr framhaldsskóla og árangurs nemenda í stærðfræði og
íslensku á fyrsta ári kennaradeildar. Opinn fyrirlestur í Háskóla Íslands.