Sagnir - 01.05.1982, Síða 120

Spurningar úr Islandssögu
í febrúar s.l. tók ég út þegnskylduvinnu
þá er nefnist æfingakennsla og er hún hluti
af kennsluréttindanámi við HÍ. Ég lenti í
MH og fékk það verkefni að kenna islenska
miðaldasögu sem þar gengur undir nafninu
Saga 112. Leiðbeiningarkennari var Jón
Hnefill Aðalsteinsson.
Áður en fyrsti tíminn hófst hafði ég
ákveðið að kanna andann í hópnum og miða
síðan kennslutilhögun við þær óskir er þar
kæmu fram. Kennslustundin hófst á hug-
stormun þar sem nemendur vörpuðu fram
hugmyndum um þær kennsluaðferðir sem
þeim komu til hugar þá stundina. Niður-
staðan varð sú að kennslan fór að mestu
fram í hefðbundnu fyrirlestraformi en auk
þess gerðu nemendur smá könnun á þekk-
ingu fólks á ákveðnum þáttum í íslandssögu.
Til gamans koma hér nokkur orð um könn-
unina og helstu niðurstöður hennar.
Nemendur undirbjuggu spurningar heima
og síðan voru endanlegar spurningar valdar í
kennslustund. Vegna tímaleysis og mismun-
andi áhuga tóku nemendur mismikinn þátt í
gerð spurninganna. Ég ákvað að hafa engin
áhrif á val og orðalag þessara spurninga.
Þekkingarkönnunin var framkvæmd
dagana 16.—19. febrúar 1982. Nemendur
lögðu spurningarnar fyrir heima hjá sér,
fyrir vegfarendur á götum úti og á
vinnustöðum. Reynt var að dreifa
spurningunum nokkuð jafnt á bæði kyn og
mismunandi aldurshópa. Þetta var því
einhverskonar lagskipt tilviljunarúrtak.
Spurningarnar og niðurstöður fylgja hér á
eftir og sé ég ekki ástæðu til að fjölyrða um
þær. Ég læt lesendum það eftir að ákveða
hvort mark sé á þessu takandi eða ekki. Þessi
könnun var ekki hugsuð sem vísindaleg
rannsókn, heldur sem tilraun til að vekja
áhuga nemenda og reyna að kenna þeim eitt-
hvað.
Könnunin og niðurstöðurnar voru ræddar
118
í hópum og voru skiptar skoðanir á ágæti
svona uppákomu. Flestir nemenda voru
sammála um að þeir hefðu ekki lært sérstak-
lega mikið og sú skoðun kom fram að þeir
sem ekki tóku virkan þátt í að semja spurn-
ingarnar hefðu lítið gagn haft af þessu. En
það kom einnig fram að nemendum fannst
starf við svona könnun áhugavekjandi til-
breyting og töldu þeir sig hafa lært ýmislegt
óbeint og að þetta hefði vakið áhuga og um-
hugsun um sögunám almennt.
Reykjavík 13. apr. 1982.
Stefán Stefánsson
Spurningar:
1. Hver gaf íslandi núverandi nafn?
( ) Garðar Svavarsson.
( ) Flóki Vilgerðarsson.
( ) Alfreð Flóki.
( ) Ingólfur Arnarsson.
2. Hvenær var Alþingi stofnað á íslandi?
( ) 930.
( ) 874.
( ) 1930.
3. Hver var fyrsti biskup á íslandi?
( ) Gissur ísleifsson.
( ) ísleifur Gissurarson.
( ) Jón Ögmundsson.
4. Hvenær geisaði svartidauði?
( ) 1603—1609.
( ) 1402—1404.
( ) 1217—1218.
5. Hvaða fjall gaus með miklum látum í lok 13.
aldar?
( ) Krafla.
( ) Hekla.
( ) Surtsey.
6. Hvar var lögrétta?
( ) Hegranesi.
( ) Ásbyrgi.
( ) Þingvöllum.
7. Hver var fyrstur eftirfarandi víkinga til að koma
til íslands?
( ) Garðar Svavarsson.