Sveitarstjórnarmál - 01.10.2001, Blaðsíða 29

Orkumál
S«
Nýja raforkuveriö á Húsavík.
varmaveitu bæjarins. Glatvarmavinnslan getur
þannig jafnað út álagstoppa fjarvarmaveitunnar.
Nýting glatvarmans hjálpar einnig til við að lækka
álagstoppa í raforkukerfinu.
Áætlað er að framleiðslukostnaður á heitu vatni
úr glatvarmanum frá fiskimjölsverksmiðjunni á
Seyðisfirði sé um 16 aurar/kWh og að ijárfestingin
skili sér á tveimur árum.
Krossanes
Úttekt sem gerð var fyrir Krossanesverksmiðjuna
á Akureyri bendir til að frá verksmiðjunni megi
virkja ónýttan glatvarma fyrir hitaveitu bæjarins og
framleiða varmaafl sem nemur um 3,8 MW eða
um 11.400 MWh árlega.
Nýtanlegt glatvarmaafl verksmiðjunnar svarar
því um 6% af heildarvarmaafli frá borholum Norð-
urorku á Akureyri og nálægt 4% af árlegri heildar-
varmaorkuvinnslu hitaveitunnar. Glatvarmavinnsla
frá Krossanesverksmiðjunni annar þannig árlegri
upphitunarþörf og heitavatnsneyslu yfir 600 íbúa
þéttbýlissvæðis.
Verksmiðjan er í gangi einn þriðja hluta ársins og
fellur vinnslutíminn vel að álagstíma hitaveitunnar.
Virkjun glatvarmans getur þannig aukið möguleika
Norðurorku á að hvíla tímabundið þau jarðhita-
svæði sem hitaveitan nýtir og minnkað vatnsniður-
drátt vinnslusvæðanna.
Áætlað er að framleiðslukostnaður á heitu vatni
úr glatvarmanum frá Krossanesi sé um 14
aurar/kWh og að Ijárfestingin skili sér á einu ári.
Norðurál
Úttekt sem gerð var fyrir álverksmiðju Norðuráls á
Grundartanga bendir til að hjá álverinu megi virkja
glatvarma fyrir íjarvarmaveitu og framleiða varma-
afl sem nemur um 73 MW eða urn 635 GWh árlega.
Þetta glatvarmaafl er um 25% meira en heildar-
varmaafl frá öllum borholum Norðurorku á Akur-
eyri og um tveimur og hálfum sinnum meiri orku-
vinnsla en árleg varmaorkuvinnsla hitaveitunnar.
Glatvarmavinnsla frá álveri Norðuráls á Grundar-
tanga getur þvi annað árlegri upphitunar- og heita-
vatnsneysluþörf um 20.000 íbúa þéttbýlissvæðis.