Sveitarstjórnarmál - 01.10.2001, Blaðsíða 73

Hafnamál
391
Frá fundi stjórnar Hafnasambands sveitarfélaga. Á myndinni eru, i fremri röð, talið frá vinstri, Valgerður Sigurðardóttir, Árni Þór Sig-
urðsson, formaður hafnasambandsins, og Ragnheiður Hákonardóttir, í aftari röð standandi Birgir U. Blöndal, starfsmaður HS, Brynjar
Pálsson, Þráinn Gunnarsson, hafnarnefndarmaður á Húsavík, varamaður Björns Magnússonar, Ólafur M. Kristinsson og Gísli Gísla-
son. Ari Jónsson, formaður hafnarstjórnar Sveitarfélagsins Hornafjarðar, hafði boðað forföll. Ljósm. Gunnar G. Vigfússon.
afgerandi hœtti. Arsfundurinn beinirþvi jafnframt
til samgönguráðherra að hann hafi niðurstöður
þeirrar vinnu til hliðsjónar þegar ákvarðanir eru
teknar um gjaldtökur í samgöngumálum.
Arsfundurinn bendir sérstaklega á það hagrœna
sjónarmið að þegar aðilar á markaði valda kostn-
aði við notkun gæða, sem ekki er borinn af þeim
sjálfum, er til staðar sú hœtta að gœðin séu of-
notuð.
Sameiginleg umhverfisstefna
Að tillögu umhverfisnefndar var samþykkt að
hafnir landsins taki upp sameiginlega umhverfis-
stefnu. Stjórn hafnasambandsins var falið að koma
í framvæmd þeim hugmyndum sem kynntar voru
um það efni. Taldi fundurinn mikilvægt að í þeirri
vinnu verði lögð áhersla á gott og vandað kynning-
arstarf gagnvart eigendum, starfsfólki og notendum
hafnanna svo og almenningi í landinu. Arsfundur-
inn hvetur til þess að vandað verði til verksins og
því lokið fyrir næsta ársfund hafnasambandsins.
Jafnframt var samþykkt að beina því til stjórnar
hafnasambandsins að kanna möguleika á samstarfi
við spilliefnanefnd um staðlaða framleiðslu á mót-
tökustöðvum fyrir úrgangsolíu og aðrar olíublautar
vörur og umbúðir í samræmi við það sem Reykja-
víkurhöfn hefur gert.
Hafnir sameinist
Að tillögu hafnalaganefndar samþykkti fundur-
inn að stuðlað verði að frekari samvinnu hafna
með stofnun hafnasamlaga og/eða samruna sveitar-
félaga þar sem það er mögulegt vegna landfræði-
legra aðstæðna og telur mikilvægt að í samgöngu-
áætlun og hafnalögum verði settur fram hvati af
hendi ríkisvaldsins til þess að stuðla að framgangi
þess. Taka þurfi sérstakt tillit til hafna sem búa við
erfiðar eða landfræðilegar aðstæður eða þar sem
vegakerfið býður ekki upp á samtengingu þeirra.
Höfnunum tryggðar tekjur
Hafnalaganefnd lagði einnig fram tillögu að
ályktun þar sem lögð er áhersla á að ný hafnalög
taki mið af breyttu starfsumhverfi hafna, þær séu
skilgreindar sem hluti af samgöngukerfi landsins
og þar af leiðandi séu á þær lagðar rniklar skyldur.