Sveitarstjórnarmál - 01.10.2001, Page 87
Umhverfismál
Staðardagskrárinnar væri í
höndum sérstakrar nefndar með
góð tengsl við allar starfsnefndir
sveitarfélagsins. í smærri sveitar-
félögum liggur beint við að sveit-
arstjórn gegni þessu hlutverki, en
einnig mætti t.d. fela það fámennu
ráði sveitarstjómarmanna (S: „ut-
skott“) eða nefnd sem hefur til-
greinda sérstöðu í stjómkerfi
sveitarfélagsins.
Borgar þetta sig?
Tillaga um stöðu stýrihóps Staðardagskrár 21 í stjórnkerfi sveitarfélags.
Eins og fyrr segir er Staðardag-
skrá 21 öflugt stjórntæki í
höndum sveitarstjórna ef rétt er á málum haldið.
Vissulega fylgir töluverður kostnaður áætlunargerð
af þessu tagi. Sé Staðardagskráin á hinn bóginn
notuð til þess sem hún er ætluð er óhætt að full-
yrða að endurgreiðslutími þessa stofnkostnaðar sé
tiltölulega stuttur.
Þær sveitarstjómir sem lengst eru komnar í Stað-
ardagskrárstarfinu hérlendis hafa orðið varar við
jákvæð áhrif starfsins á ímynd byggðarlagsins.
Nægir að nefha Snæfellsbæ og Mosfellsbæ sem
dæmi um þetta, en auðvelt væri að tilgreina 2-4
sveitarfélög til viðbótar. Erfitt er að meta ímynd til
fjár, en verðmætamat sveitarstjómarmanna hvað
þetta varðar endurspeglast þó að einhverju leyti í
þeim fjárhæðum sem varið er til kynningarstarfs af
ýmsu tagi.
Áhersla Staðardagskrár 21 á fyrirbyggjandi að-
gerðir og beitingu hagrænna stjórntækja ætti í
flestum tilvikum að leiða til beinnar hagræðingar í
starfsemi sveitarfélaga. Annars vegar getur þar
verið um að ræða hagræðingu og bætta stjórnun
vegna breytinga á þjónustugjöldum, svo sem varð-
andi meðhöndlun úrgangs, fráveitumál o.fl., og
hins vegar beinan sparnað í rekstri stofnana sveit-
arfélagsins vegna minni og skilvirkari notkunar
orku og hráefna, svo sem pappírs og hreinsiefna.
Loks má nefna að reynsla í nágrannalöndunum
bendir til þess að markviss græn innkaup á vegum
sveitarfélaga leiði alla jafna til aukinnar hag-
kvæmni.
Ávinningurinn af vandaðri gerð og framkvæmd
Staðardagskrár 21 birtist þó öðru fremur þegar til
lengri tíma er litið. Eins og áður hefur komið fram
kallar Staðardagskráin á ný vinnubrögð þar sem
megináhersla er lögð á heildarsýn og langtímasýn.
Þetta ætti að leiða til aukins samræmis í ákvarð-
anatöku og bættrar nýtingar fjárfestingar.
Segðu okkur hverju þú þarft að daela og við finnum
hárréttu og hagkvæmustu dæluna fyrir þig
Meira dæluúrval er
vandfundið
Danfoss hf.
SKÚTUVOGI 6 • SÍMI 510 4100