Sveitarstjórnarmál - 01.10.2001, Qupperneq 30

Orkumál
Virkjun glatvarmans opnar einnig möguleika
fyrir Norðurál að framleiða raforku til eigin nota
og/eða sölu til rafveitna í nágrenninu.
Áætlað er að framleiðslukostnaður á heitu vatni
úr glatvarmanum frá Norðuráli sé um 10 aurar/kWh
og að fjárfestingin skili sér á tæpum fimm árum.
Nýja kaffibrennslan
Úttekt sem unnið er að hjá Nýju kaffibrennsl-
unni á Akureyri bendir til að frá ofni kaffibrennsl-
unnar megi virkja glatvarma og framleiða varmaafl
sem nemur um 300 kW eða urn 170 MWh árlega.
Nýtanlegur glatvarmi mun því anna allri upphitun-
ar- og heitavatnsneysluþörf fyrirtækisins.
Til gamans má benda á að glatvarmaorkan frá
kaffibrennslunni annar árlegri upphitunar- og
heitavatnsneysluþörf fyrir 10 íbúða hverfi. Virkjun
glatvarmans auðveldar einnig fyrirtækinu að mæta
auknum umhverfiskröfum í tengslum við útblástur
og mengun.
Úttektinni er ekki lokið en líkur benda til að
virkjun glatvarmans sé ágætlega arðbær.
3. Nýting glatvarma og jarðhita til raf-
orkuvinnslu
Möguleikinn til raforkuvinnslu úr lághita hefur
lengi verið þekktur en ný tækni og þróun á búnaði
hefur gert þessa aðferð hagkvæmari og um leið
opnað aukin sóknarfæri á þessu sviði. Lághita til
raforkuframleiðslu má víða finna, svo sem í vatni
frá lághitasvæðum, frá útblásturs- og kælikerfúm
verksmiðja og skipa, skiljuvatni frá jarðgufúveitum
og svo framvegis.
Hér á eftir eru dregnar saman niðurstöður úr út-
tektarskýrslum frá Seyðisfirði, álverksmiðju Norð-
uráls á Grundartanga og Hrísey.
Seyðisjjaröarkaupstaóur
Úttektin fyrir Seyðisfjarðarkaupstað bendir til að
frá fiskimjölsverksmiðjunni megi virkja glatvarma
til rafmagnsframleiðslu og framleiða rafafl sem
nemur um 500 kWe eða um 2.000 MWh árlega og
að auki virkja þéttivarmann frá orkuverinu til upp-
hitunar á ljarvarmaveitunni.
Framleitt rafafl gæti þannig numið hálfri al-
mennri rafaflsþörf bæjarins og þriðjungi af árlegri
raforkuþörf hans. Eins og áður er bent á fellur
vinnslutími verksmiðjunnar vel að álagstíma bæði
fjarvarmaveitunnar og rafveitunnar og getur því
jafnað út álagstoppa í kerfinu.
Áætlað er að framleiðslukostnaður á raforku úr
glatvarmanum frá fiskimjölsverksmiðjunni sé um
2,40 kr/kWh og að fjárfestingin skili sér á um
fjórtán árum.
Norðurál
Úttektin fyrir álverksmiðju Norðuráls á Grundar-
tanga bendir til að frá álverinu megi virkja glat-
varmann og framleiða rafafl sem nemur um
5 MWe eða um 42.500 MWh árlega og að auki
nýta þéttivarmann frá orkuverinu til upphitunar á
fjarvarmaveitu fyrir nágrennið.
Raforkuframleiðsla úr glatvarmanum gæti
þannig annað urn 3% af rafaflsþörf Norðuráls eða
allri raforkuþörf urn 5.000 ibúa þéttbýlissvæðis og
auk þess annað allri upphitunar- og heitavatns-
neyslu fyrir þéttbýlissvæðið.
Áætlað er að framleiðslukostnaður á raforku úr
glatvarmanum frá Norðuráli sé um 1,50 kr/kWh og
að fjárfestingin skili sér á rúmum sjö árum.
Hrísey
Úttekt sem gerð var fyrir Hríseyjarhrepp bendir
til að frá jarðhitakerfinu sem finnst undir eynni
megi virkja varmann sem er um 80° C og fram-
leiða um 200 kWe rafafl til nota fyrir eyjarskeggja
eða um 1.200 MWh árlega og að auki nægilegan
varma fyrir hitaveituna í eynni.
Raforkuframleiðsla úr jarðvarmanum annar því
ríflega allri raforkuþörf íbúanna og að auki allri
upphitunar- og heitavatnsneyslu eyjarskeggja.
Áætlaður framleiðslukostnaður á raforku úr jarð-
varmanum í Hrisey er um 2,70 kr/kWh og að fjár-
festingin skili sér á rúmum ljórum árum.
4. Samnýting á varma til raforkuvinnslu
og upphitunar
Samnýting á varma til raforku- og heitavatns-
framleiðslu er víða álitlegur kostur. Á sumum
svæðum þarf að kæla jarðhitann áður en vatninu er
hleypt inn á hitaveitukerfin. í öðrum tilfellum hafa
hitaveitur aðgang að meira vatni en þörf er á til
upphitunar. Þá getur raforkuvinnslan sparað út-
gjöld vegna raforkukaupa og einnig opnað mögu-
leika á tekjum vegna raforkusölu til almennings-
rafveitna.
Sem dæmi má nefna orkuverið á Húsavík. Þar er
120° C heitt vatn nýtt til rafmagnsframleiðslu áður
enn það er nýtt fyrir hitaveitu bæjarins. Heita
vatnið er þannig kælt niður í 80° C í 2 MWe raf-