Sveitarstjórnarmál - 01.10.2001, Side 63

Húsnæbismál
381
Fyrsta húsið sem tekið var i notkun í Grafarholti í Reykjavík var
íbúðarhús Búseta við Kirkjustétt.
Húsnæðisfélög
Eins og áður segir er það vel réttlætanleg aðgerð
að niðurgreiða vexti til húsnæðisfélaga umfram
einstaklinga. Ástæðurnar eru margar en aðalástæð-
an er sú að slíkri niðurgreiðslu er beint til margra
íjölskyldna í hverri íbúð yfir langan tíma. Dæmin
sýna lika að það er hagkvæmara fyrir þjóðfélagið
að hafa þennan valkost við hlið séreignastefnunnar
því hún getur aldrei hentað öllum.
Öll umsýsla félaga á nokkrum hundruðum íbúða
er hagkvæmari eining en rekstur stakra íbúða.
íbúðaskipti eru mun ódýrari og sparast þar bæði
tími og fé þar sem ekki er verið að gera upp áhvíl-
andi lán; einnig sparast stórfé í þinglýsingarkostn-
að, stimpilgjöld o.fl. Undanfarin ár hefur það færst
í vöxt að fyrirtæki losi um húseignir sem þau nota
undir skrifstofurekstur og aðra starfsemi til sér-
hæfðra rekstrarfélaga. Með þessu minnka þau
skuldir sínar sem veitir þeim betri kjör til annarra
aðgerða sem skipta meira máli. Þessi lögmál eiga
jafnt við fjölskyldur. Margumræddar skuldir heim-
ilanna eru margar hverjar fólgnar í húsnæðisskuld-
um og síðast en ekki síst er ibúðareign að nokkru
leyti skuldahvetjandi því lánastofnanir eru tilbúnar
að lána fólki sem getur útvegað fasteignaveð mun
meira en öðrum. Það er ekkert sem segir að
greiðslugeta íbúðareiganda sé meiri en þess er býr
í leiguhúsnæði. Laun geta verið þau sömu. Hús-
næðiskostnaður sá sami til lengri tíma og raunar
líklega minni hjá leigjandanum. Gjaldþrot einstakl-
inga er ætíð harmleikur sem birtist í enn verri
mynd þegar fólk tapar heimili sínu líka. Hjá Búseta
getur enginn veðsett heimili sitt þannig að fjöl-
skyldan tapar því ekki af þeim sökum. Lánastofn-
anir verða að vanda sig betur við lánveitingar og
lána aðeins þeim sem eru borgunarmenn fyrir lán-
um með tekjum sínum og eignum öðrum en heim-
ilinu.
Húsnæðisfélagið Búseti hefur á undanförnum 15
árum byggt upp öfluga starfsemi úti um allt land.
Félögin eru sjálfstæðar einingar og reka nú um 560
íbúðir á íslandi. Þorri þeirra, eða 450, er á höfuð-
borgarsvæðinu, yfir 60 eru á Akureyri og 8-12 á
Húsavík, Egilsstöðum og á Akranesi.
HÁÞRÝSTI
DÆLUR
'Q-
SKEIFUNNI 3E-F • SÍMI 581 2333 ■ FAX 568 0215 • rafver@simnet.is