Sveitarstjórnarmál - 01.10.2001, Page 84

Tæknimál
Myndin er úr Hofsstaðaskóla og var tekin þegar Birni Bjarnasyni
menntamálaráðherra var boðið að koma í skólann og kynna sér
þær nýjungar sem um er fjallað í greininni. Á myndinni eru, talið
frá vinstri, Elísabet Benónýsdóttir, kennsluráðgjafi í tölvu- og
upplýsingatækni í Hofsstaðaskóla, Björn Bjarnason mennta-
málaráðherra, Ragnheiður Stephensen, kennari í Hofsstaða-
skóla, og Sveinbjörn Markús Njálsson, skólastjóri í Álftanes-
skóla, en hann var grunnskólafulltrúi í Garðabæ á sl. ári. Á
myndinni eru einnig nokkrir nemenda Hofsstaðaskóla.
Gerð var greining á þörfum skólanna og rætt við
kennara til að sjá hvaða væntingar þeir hefðu til
notkunar tölva í kennslustarfi.
Niðurstaðan varð óhefðbundin leið við lausn
þessa verkefnis. Hún var sú að færa tölvubúnaðinn
til nemenda í stað þess að færa nemendur að tölvu-
búnaðinum.
Hingað til hafa skólarnir búið til tölvustofur eða
tölvuver og eru eitt eða íleiri slík ver í hverjum
skóla. Þetta takmarkar nýtingu tölvanna við
kennslu í öðrum greinum en tölvunámi. í þessum
tölvustofum er að jafnaði ekki pláss fyrir skóla-
bækur á borðum og rúm fyrir kennsluefni er mjög
lítið. Þær henta því illa til kennslu í líffræði eða
sagnfræði, svo einhver dæmi séu nefnd.
I lausninni fólst að búnar voru til færanlegar
tölvueyjar. Hver eyja samanstendur af vagni, 12
fistölvum með hleðslutækjum og prentara. Eyj-
arnar eru svo keyrðar í þá stofu þar sem nemend-
urnir eru í hvert skipti.
Til að nýta þennan búnað þurfti að setja upp
þráðlaust netkerfi í Garðaskóla og þannig eru tölv-
urnar alltaf nettengdar hvar sem er á skólalóðinni. í
Hofsstaðaskóla var ekki um að ræða að setja upp
þráðlaust staðarnet. Á hinn bóginn var þar valin sú
leið að nýta netkerfi sem fyrir var í skólanum
þannig að tölvueyjan er tengd í veggtengil og fis-
tölvurnar tengjast henni svo þráðlaust.
Með þessu móti er hægt að bregðast við spurning-
um sem koma upp í kennslustundum með því að
láta nemendur hafa tölvur og leita svara á Netinu.
Þannig eru kennarar ekki bundnir af því að tölvu-
stofur séu lausar og skólarnir geta nýtt stofurnar
betur. Þetta fyrirkomulag hentar einnig vel þar sem
skólar glíma iðulega við nokkurn húsnæðisvanda.
En það sem auðvitað er mikilvægast er að nem-
endur venjast á að að sækja sér tölvu og nota hana
sem vinnutæki þegar þörf krefur, tölvulæsi eykst
og tölvuhræðsla hverfur.
Frumkvöðull á íslandi og víðar
Nýlega gerðu Garðabær og Námsgagnastofnun
með sér samning þess efnis að grunnskólar Garða-
bæjar sjái urn prófanir á nýjum kennsluhugbúnaði.
Grundvöllur þess að Garðabær fái að koma að
svona nýsköpun er einmitt það hversu framsækið
bæjarfélagið er í innleiðingu upplýsingatækninnar.
Garðabær er frumkvöðull á íslandi í notkun
tölvueyja í skólum. Þessi lausn hefur verið notuð
erlendis og þótt tíðindum sæta. Þannig má til gam-
ans geta að í nýlegu tölublaði af viðskiptablaðinu
BusinessWeek var umíjöllun um Don Hall, fram-
kvæmdastjóra upplýsingatæknimála í Kent
skólaumdæminu suður af Seattle í Bandaríkjunum.
í viðtalinu segir Hall frá því að hann hafi sett upp
tölvueyjar í skólunum hjá sér. Þær virðast vera
sambærilegar við tölvueyjarnar í Garðabæ nema að
Hall setti upp 1.000 fisvélar og reiknar með að
setja upp 3.000 í viðbót. Tölvuijöldinn í Garðabæ
er augljóslega eitthvað minni en ljóst er að Garða-
bær hefúr skipað sér í flokk framsækinna bæjarfé-
laga víðar en á íslandi.
Endurnýjun á tölvubúnaði fyrir bæjar-
skrifstofur Garðabæjar
Lokaáfangi verkefnisins fólst síðan í endurmati
og endurskipulagningu á rekstrarumhverfi tölvu-
kerfa bæjarskrifstofa Garðabæjar.
Netþjónar, netbúnaður og stýrikerfi bæjarskrif-
stofanna voru endurnýjuð að hluta eða öllu leyti í
samráði við starfsmenn bæjarins.
Einnig var gerður samanburður og úttekt á hag-
kvæmni þess að bæjarskrifstofurnar sæju sjálfar
um rekstur kerfisins eða að þriðji aðili yrði fenginn
til að hýsa það. Eftir forkönnun var ákveðið að
efna til útboðs sem skiptist í tvennt; annars vegar
var boðinn út rekstur á miðlægum búnaði og hins
vegar þjónusta við notendur.