Morgunblaðið - 09.10.2014, Qupperneq 74

74
MORGUNBLAÐIÐ FIMMTUDAGUR 9. OKTÓBER 2014
AKUREYRI
Ef hugurinn leitar norður er eðlilegt að ferðalangar vegi og meti
hvort sé sniðugra að fljúga eða aka. Árni segir að alla jafna megi
reikna með að það sé álíka dýrt fyrir tvo að fara fljúgandi og akandi á
einkabíl. „Það byrjar að vera hagkvæmara að aka þegar þrír eða
fleiri deila bílnum en þá er eftir að taka með í reikninginn þann mikla
tímasparnað sem fæst með því að ferðast norður með flugvél.“
Hann bætir við að þeir sem vilja taka með sér þunga skíðaskó og
skíði eða snjóbretti þurfi ekki að hafa miklar áhyggjur af dýrri yf-
irvigt þó flogið sé. „Þegar miðinn er bókaður getur fólk greitt gjald
fyrir þess háttar aukafarangur. Er gjaldinu stillt mjög í hóf og kostar
t.d. ekki nema 750 kr. aukalega að taka með heilt skíðasett.“
Spara bæði tíma og peninga
Ásgeir Ingvarsson
ai@mbl.is
A
ð sögn Árna Gunnarssonar
eru að lágmarki fimm ferð-
ir á dag milli Reykjavíkur
og Akureyrar og þegar
mikið liggur við fjölgar fugferð-
unum upp í tólf eða þrettán. Ekki
aðeins eru ferðirnar tíðar heldur
auðvelt að kaupa miða og komutími
á flugvöllinn aðeins hálftíma fyrir
flug.
Árni er framkvæmdastjóri Flug-
félags Íslands og segir hann fjölda
farþega norður haldast nokkuð stöð-
ugan yfir árið. „Mestu álagstímarnir
eru í mars og október og kemur m.a.
til vegna þess að það eru vinsælir
funda- og ráðstefnutímar. Í mars
eru líka margir skíðaunnendur á
ferðinni sem vilja ekki missa af síð-
ustu snjódögunum í Hlíðarfjalli áður
en vorið gengur í garð.“
Fljót í gegnum flugstöðina
Hann minnir á að því fylgi tölu-
vert minna umstang að fljúga innan-
lands en að ferðast til útlanda. Að
skjótast út á Reykjavíkurflugvöll er
mun minna ferðalag en að halda út í
Leifsstöð og þegar komið er í flug-
stöðina eru raðir stuttar og af-
greiðslan skjót. Er alveg óhætt að
kaupa miða með stuttum fyrirvara
ef fólk skyldi skyndilega langa til að
skjótast norður.
„Fyrirvarinn á ferðalaginu þarf
ekki að vera eins langur og þegar
fólk heldur til útlanda og þarf ekki
að gera miðann mikið dýrari þó hann
sé keyptur með stuttum fyrirvara.
Hagstæðasta verðið fæst þó alltaf ef
hægt er að skipuleggja aðeins fram í
tímann,“ segir Árni.
Langflestir velja að kaupa flug-
miðann á netinu en á heimasíðu flug-
félagsins er að finna þægilega bók-
unarvél. „Verðið tekur breytingum í
samræmi við sætaframboð en á
flestum tímum ársins má eiga von á
að geta fundið miða á góðu verði. Ef
ferðaplönin breytast, þá eru ýmsir
möguleikar í stöðunni til að ýmist
breyta flugdegi eða fá miðann end-
urgreiddan,“ útskýrir Árni. „Ódýr-
ustu fargjöldin eru ekki endurgreið-
anleg en breyting á flugi kostar um
20% af verði miðans. Sveigjanleikinn
er meiri í dýrari fargjaldaflokkum
og ýmist hægt að breyta flugtím-
anum eða skila miðanum gegn hóf-
legu gjaldi. Ef fólk á t.d. bókaðan
miða norður á skíði en veðrið reynist
ekki vera nógu gott þegar ferðadag-
urinn rennur upp, þá er ekki mikill
vandi að færa ferðalagið einfaldlega
til um viku og engin hætta á að mið-
arnir fari í súginn þó að í sumum til-
fellum þurfi að borga breyting-
argjald.“
Skíði, leikhús og tónlist
Viðburðadagatal Akureyringa er
þétt skipað og virðist sem í viku
hverri stígi þar á svið flottir tónlist-
armenn, ný myndlistarsýning sé
opnuð eða nýtt leikverk frumsýnt.
„Við leggjum okkur fram við að
bjóða viðskiptavinum okkar að
kaupa miða á listviðburð um leið og
flugmiðinn er keyptur en flugfélagið
hefur um árabil átt í góðu samstarfi
við menningarstofnanir bæjarins.
Einnig er Flugfélag Íslands með-
limur í hópnum Vinir Hlíðarfjalls
sem m.a. hefur aðstoðað við fjár-
mögnun snjóframleiðslutækja svo að
í dag er nánast öruggt að skíðafæri
er þar gott frá nóvember og fram í
apríllok.“
Morgunblaðið/Eggert
Einfalt mál að fljúga norður
 Framkvæmdastjóri Flugfélags Íslands
segir lítið umstang fylgja því að skjótast til
Akureyrar með flugi  Á flestum árstímum
er auðvelt að finna sæti á hagstæðu verði
og ef áætlanir raskast eru ýmsar leiðir fær-
ar til að breyta eða skila miðanum
Sveigjanleiki „Ef fólk á t.d. bókaðan
miða norður á skíði en veðrið reynist
ekki vera nógu gott þegar ferðadag-
urinn rennur upp, þá er ekki mikill
vandi að færa ferðalagið einfaldlega til
um viku,“ segir Árni Gunnarsson.