Frjáls verslun - 01.09.2006, Qupperneq 55

F R J Á L S V E R S L U N • 9 . T B L . 2 0 0 6 55
við fram áætlun með því markmiði að ná fimmtán til
tuttugu prósent markaðshlutdeild innan fimm ára. Ég
held, satt best að segja, að fáir á fjármálamörkuðunum
hafi talið þetta raunhæft. Ég tel hins vegar að ör vöxtur
okkar síðan hafi sýnt fólki að þetta sé vel gerlegt.
Þess má geta að öll vinnsla á matvælum er að aukast
mikið á heimsvísu og þessi markaður er því að vaxa
umtalsvert hraðar en almennur hagvöxtur í heiminum.
Möguleikarnir eru því margir, sérstaklega í ljósi þess
að það er enginn einn stór aðili með forystuhlutverk
í þessum geira. Stærstu samkeppnisaðilar okkar eru
aðeins með um níu prósent markaðshlutdeild.“
Átta félög upphaflega í sigtinu
Nýlegt hlutfjárútboð ykkar virtist hafa heppnast glæsi-
lega, var það liður í stækkunarstefnunni?
„Vissulega. Það var hins vegar hugsað til þess að fjár-
magna framtíðarstækkun, ekki til að fjármagna þær
fjárfestingar sem við gerðum á síðustu tólf mánuðum.
Þær voru vissulega töluverðar, t.d. tókum við yfir
Dantech Food í Singapore, Delford í Bretlandi og
Scanvægt í Danmörku. Það síðastnefnda voru stærstu
kaupin. Við höfum ríflega tvöfaldað veltu fyrirtækisins
á þessum tíma og auðvitað virðist það hratt farið. Þó
skyldi haft í huga að innan Marels hafði farið fram
þriggja ára undirbúningsvinna og þar hafði markaður-
inn verið greindur mun betur en nokkur annar hafði
gert til þess tíma.
Eitt hundrað og þrjátíu félög höfðu verið greind og
þar á meðal voru átta sem Marel hafði áhuga á. Meðal
þessara átta félaga voru einmitt Delford og Scanvægt,
en þau eru bæði fjármögnuð með skuldabréfaútboði
og því var vel tekið hér á Íslandi. Þar að auki hafa eig-
endur Scanvægt sýnt mikla trú á samrunanum með því
að kaupa fjórtán prósenta hlut í Marel og lána félaginu
tvo milljarða íslenskra króna til tveggja ára, vaxtalaust
og án trygginga.
Það var því alveg ljóst að við höfðum fjármagnað
þær yfirtökur sem voru yfirstaðnar en ákváðum að
fara í þetta hlutafjárútboð til að fjármagna enn frekari
vöxt. Það hefur líka hjálpað til við að breikka og stækka
hluthafahópinn og gera hlutabréfin auðseljanlegri á
verðbréfamarkaði.“
Hvers konar fyrirtæki eruð þið helst að skoða fyrir
framtíðina?
„Næstu sameiningar munu snúa að því að auka úrval
stuðningsvara sem við getum boðið upp á. Á ensku
kallast þetta „complementary“ vörur. Delford býður
t.d. upp á ýmsa aukahluti og skurðarvélar sem við
höfðum ekki áður verið með og stefnan er klárlega að
breikka vöruúrvalið um leið og félagið stækkar.“
Hverjir eru helstu viðskiptavinir Marels í dag og
hverjir verða þeir á morgun?
„Helstu viðskiptavinir okkar hafa löngum verið í Evr-
ópu og Bandaríkjunum. Landslagið þar er hins vegar að
breytast mikið þar sem matvælavinnslufyrirtæki hafa í
raun orðið á undan okkur, sem framleiðum tækjabún-
aðinn fyrir þá, í þessari samrunaþróun og nokkur félög
hafa myndað mjög sterka markaðsstöðu. Stefnan þar
er greinilega að fullvinna vöruna frá upphafi til enda
og því eru þessi fyrirtæki að stækka við sig. Það mætti
kannski ætla að viðskiptavinir okkar séu ekki hrifnir af
því að Marel auki samkeppnisstöðu sína til móts við
þau en þvert á móti eru menn að sjá tækifæri í þessari
þróun. Töluverð hagræðing felst í því að fækka birgjum
og það er betra fyrir þessi félög að færri aðilar sjái um að
framleiða vélakost þeirra, t.d. eykur það samhæfni kerfa
og samrýmir viðhaldsferli.
Á R N I O D D U R Í E Y R I
Eigið fé Eyris er
tæpir 12 milljarðar,
þ.e. eftir nýlega
hlutafjáraukningu.
Eigið fé Eyris - milljónir króna