Tímarit Máls og menningar - 01.12.1954, Qupperneq 45

EYJÓLFUR GUÐMUNDSSON Á HVOLI
235
Hugsunarfrestur virtist óþarfur eða jafnvel draga úr áhrifamætti hugans
á áheyrendur.
Alls staðar var Eyjólfur góður liðsmaður, ef þess þurfti að leggja
gott til mála. Og hann var engu síður ágætur andstæðingur, því að hann
var drengskaparmaður, vildi á engu níðast. Og því var það líka að hann
þoldi illa að á sér væri níðzt.
Alla tíð mun þess hafa gætt að hann hafi verið góður áheyrandi
ömmu sinnar blindrar þar sem hann sat á kistlinum við rúmið hennar.
Eftir rödd drottins hárra heima mun hann alla ævi hafa hlerað.
Eyjólfur Guðmundsson á Hvoli var lengi meðal helztu vormanna þess-
arar sveitar, þess vegna haustar nú að og hjá því fer ekki að lengi verður
skammdegislegra í Mýrdal eftir burtför hans og haustlegra um Hvol.
Eyjólfur lætur eftir sig fimm börn, öll mannvænleg á þroskaaldri.