Tímarit Máls og menningar - 01.12.1960, Page 21

SUMAR
Þér guðir sem ráðið brunrmm og geislum:
ég kýs ekki að glóa og leiftra,
þrái ekki að líkjast sólum yðar,
logandi hjólum á óendanlegum blávegum,
né tunglum yðar í náttfölri kyrrð,
né stjörnum yðar,
tilrandi sindri í hljóðum geimhvelfingum.
Þér guðir sem ráðið brunnum og geislum:
megi líf mitt líkjast þessu niðandi regni,
tæru og svölu,
þessum smáu dropum sem brynna vorfrjóum dal
og laufkvikum hlíðum,
falla á tún bóndans,
vœta bert andlit örœfalands
og glitra í hári lítilla barna.
SUMAR
Söfnum sólskini af grasi,
tínum tunglsljós af vötnum!
Guðir gróðurs og birtu
eru glaðir að leikum:
aka eldreið um himin,
draga dagstjörnu úr moldu,
rótt í lágnœttislogni
lyfta gullskildi bleikum.
355