Tímarit Máls og menningar - 01.06.1999, Page 14

PÉTUR GUNNARSSON
hafa áttað sig á þessari viðleitni að bjarga yfir í bók veröld sem sveif þeim enn
fyrir hugarsjónum og vissu ekki að hún átti í vændum að úreldast svo ger-
samlega, að í dag eimir ekki eftir af henni nema örfáir leikmunir á byggða-
söfnum. En sjálft leikritið er læst í verki Þórbergs þar sem það endurnýjar sig
við hvern lestur. Og þá sakar ekki að geta þess að Suðursveitarbœkurnar hald-
ast í hendur við fyrri ævisögur höfundarins: íslenskan Aðal, Ofvitann og
Sálminn urn blómið - saman dansa þær í hring - sjö titlar eins og í ævisögu
Proust og heildarlengd beggja verkanna er áþekk: á þriðja þúsund síður.
Og nú, góðir áheyrendur, stend ég aftur á stigapallinum á Hringbraut 45,
fyrir íjörutíu árum og rétti Þórbergi Kennaratalið. Mig minnir fastlega að
hann hafi afþakkað boðið, kannski hefur hann flett upp á sjálfum sér og
gengið úr skugga um að hans var að engu getið í ritinu. En það kemur út á
eitt: í verkum sínum mun hann kenna og benda yfir ókomnar aldir íslands -
sem vonandi verða margar.
Ég þakka kærlega fyrir mig.
12
www.mm.is
TMM 1999:2