Tímarit um menntarannsóknir - 01.01.2006, Qupperneq 93

88
Tímarit um menntarannsóknir, 3. árgangur 2006
til þess að styðja skólana og aðstoða þá við
að leggja árlega fyrir skimanir í lestri og
stærðfræði í ákveðnum árgöngum og vinna
úr þeim miðlægt, til þess að skólarnir ættu
auðveldara með að finna sem fyrst þá sem
þyrftu á sérkennslu að halda. Árlega fá
skólarnir í hendur skýrslur um niðurstöður
þessara skimana hjá sér. En ég veit ekki alveg
hvort þær hafa verið nýttar sem skyldi, þótt við
höfum haldið námskeið reglulega um nýtingu
þessara niðurstaðna. Kannski var brotalömin
sú að það vantaði ráðgjafa til þess að fara í
skóla og fylgja niðurstöðum eftir. Til þess
þyrfti mikinn mannskap.
INGUNNARSKÓLI
– BYGGÐUR Á SAMRÁÐI
OG GAGNAÖFLUN
Eitt dæmi um gagnaöflun til að undirbyggja
ákvarðarnir var undirbúningur Ingunnar-
skóla. Það var stemmning í kringum undir-
búningsvinnuna og ferlið sem lagði grunninn
að honum.
Já, þetta var gríðarlega skemmtilegt og
gagnlegt starf. Þar var safnað miklum gögnum
áður en byrjað var að hanna skólabygginguna
og undirbúa starfið almennt. Skólastjóri var
ráðinn hálfu ári áður en skólinn tók til starfa
og um leið var ráðinn bandarískur arkitekt,
Bruce Jilk, til að hanna byggingu fyrir skólann.
Hann hafði tekið þátt í að móta ákveðið
undirbúningsferli fyrir skólabyggingar sem
skiptist í 12 skref og fjöldi aðila tekur þátt
í. Ég beitti mér fyrir að fá þennan arkitekt
hingað, sem hafði mikla reynslu í mörgum
löndum af því að hanna skóla fyrir þá þróun
sem er í gangi, og kenna okkur að vinna eftir
þessu undirbúningsferli. Mér fannst íslenskir
arkitektar ekki skilja nógu vel það sem við
vorum að reyna að segja í forsögnum að
byggingum um það hvernig skóla við vildum.
Mín hugsun var að við gætum stytt okkur
leið með því að fá til okkar þennan reynda
mann á sviði hönnunar skólabygginga. Það
er gaman að geta þess hér að Bruce er nú að
fá þau æðstu verðlaun sem unnt er að fá fyrir
hönnun skóla í Bandaríkjunum fyrir hönnun
sína á Ingunnarskóla og þau verða afhent á
árlegu þingi fræðslustjóra í Bandaríkjunum nú
í mars.
Myndaður var um 30 manna
undirbúningshópur til að undirbúa skólann, þar
sem voru m.a. stjórnmálamenn, kennarar, aðrir
starfsmenn skóla, skólastjórnendur, foreldrar,
arkitektar, verkfræðingar, tæknifræðingar
og aðilar úr atvinnulífinu og hópurinn fór í
gegnum þessi 12 skref.
Í undirbúningsferlinu er byrjað á því að
hugsa um hið almenna umhverfi skólans, hvar
hann verður staðsettur, hvaða möguleikar
bjóðast o.s.frv. Svo færumst við nær starfinu,
hvaða væntingar eru til skólans, hvers konar
fólk vilja menn að hann útskrifi eftir 10 ár,
hvers konar námsferli þarf þá að eiga sér stað,
hvers konar starfsmenn þarf að ráða, hvernig
ætti vinna þeirra að vera skipulögð og svo er
það ekki fyrr en í lokin, í síðasta skrefinu,
að spurt er: Hvernig á byggingin að vera
utan um svona starf? Síðan teiknaði arkitekt
Ingunnarskóla byggingu sem var nákvæmlega
eins og byggingarhópurinn vildi, enda var hann
með í vinnuferlinu allan tímann og stýrði því.
Það var safnað miklum upplýsingum um
skólastarf og byggingar í öðrum löndum, og
farin ferð til að skoða nýjar skólabyggingar
í Bandaríkjunum. Það var nú eiginlega
fyrsta skrefið í þessu ferli öllu. Í ferðina fóru
skólamenn, arkitektar, verkfræðingar, aðilar frá
byggingadeild borgarinnar og stjórnmálamenn.
Leitin að fjórða veggnum hét skýrsla um þessa
ferð.4
Síðan vildum við gera þetta aftur þegar
Korpuskóli var undirbúinn. Yfir 20 manna
hópur úr ýmsum áttum fór í gegnum nákvæm-
lega sama ferlið, skrefin öll, en þar var vandinn
sá að Framkvæmdasvið borgarinnar var ekki
Viðtal við Gerði G. Óskarsdóttur
4 Gerður G. Óskarsdóttir (1999). „Leitin að fjórða veggnum“. Hönnun skólabygginga. Kynnisferð bygginga- og
skólamanna frá Reykjavíkurborg til Minnesota 3.-8. nóvember 1999. Reykjavík: Fræðslumiðstöð Reykjavíkur og
Byggingadeild borgarverkfræðings.