Gripla - 01.01.1995, Qupperneq 200

198
GRIPLA
þér mun þykja hvert samlyndur við mig svinnust mun vera
þú nauðkvödd þar til. sáttum eftir. sögð að kvöldi.
e. Kár og Katla kveðjast með þeim orðum að Kár segir frá því að
þau eigi son í vonum sem hún skuli nefna Kára (B) eða Ara (A). Kár
gefur henni belti og hníf og ýmist hring (B) eða boga (A) handa synin-
um. 1 B fær Katla líka skikkju af gulli, men og sylgju, en ekki er víst
hvort hún fær nokkuð frá honum í A. Þar segir hann henni einungis að
láta „glys“ sín og „föt, gulli búin,“ í „finnskjóðu niður“ en ekki kemur
fram hvort þær gersemar eru gjafir hans. Ein uppskriftin í A 1, JS 473
8vo hefst hér í miðri ræðu Kárs en er heil allt til loka.
í þremur uppskriftum B (Lbs. 558 8vo, AM 154 8vo xi og AM 154
8vo x) tekur skilnaðurinn aðeins þrjú erindi með smávægilegum orða-
mun þar sem Kár tilkynnir Kötlu um soninn og gefur henni gjafirnar. í
fjórða erindinu stendur Katla nauðug á fætur, klæðist skarti sínu og
segir að nú tjói ekki „að tefja lengur.“ í fjórðu uppskriftinni (Lbs. 1293
4to) er að auki sagt að Kár hafi sprungið af harmi og við það bætist
einstæður kafli þar sem Alvör reiðist og hótar Kötlu: „eg sé nú á bak, /
syni frægum / eins skaltu Katla / upp á horfa. (33.) Dauða bónda þíns
[. . .] þig mun eg heimsækja / þeim á tíma / og tvíkosti / kvendi bjóða.
(34.) Erfiðlega / en annan skalt kjósa“. Þessari hótun er fylgt eftir síðar
í B uppskriftunum.
Hver gerð segir frá ávarpi Kárs með sínu orðalagi:
AM 154 8vo x (B)
26.
Við munum eiga
son í vonum
skaltu Kára
kvendið nefna
Lbs. 1293 4to (B)
27.
Fjöldygg kona
far nú aftur
við munum son einn
saman ala
AM 154 8vo viii (A 1)
41.
Við munum eiga
svinn seimabil
sérlega vænan
svein í vonum
AM 154 8vo ix (A 2)
34.
Við munum eiga
allfræklegan
fríðlundaðan
svein í vonum
í báðum A gerðunum tekur Kár sér tvö til fjögur erindi til viðbótar
að kveðja Kötlu og víxlast erindaröð og vísuhelmingar nokkuð í þess-
um kafla. í öllum uppskriftunum nema AM 154 8vo viii segir Kár að
Katla skuli sýna Má hnossirnar þegar heim kemur. í þeim öllum ráð-
leggur hann þeim að flytja bústað sinn yfir „á þvera“ og allar upp-
skriftirnar nema AM 154 8vo vi eru sammála um að þau skuli láta
„tvær fugls þúfur“ standa við enda skálans. A 2 gerðirnar bæta við
tveimur erindum í lokin þar sem Katla lýsir því hvað þessar „tvær næt-