Gripla - 01.01.1995, Qupperneq 202

200
GRIPLA
bætt er við erindi um að þau hafi flutt bústað sinn og allt gengið þeim í
hag. í Thott 489 8vo III er bara eitt erindi (sem er jafnframt síðasta er-
indið í uppskriftinni) um að Már vilji sjá hnossirnar. Hann stingur upp
á að þau hirði gripina og hafi síðan í búning sinn. AM 154 8vo viii seg-
ist eins frá, og JS 473 8vo líka nema þar bætir Már við erindi með
huggunarorðum líkt og í þremur fyrsttöldu uppskriftunum.
A 2 uppskriftirnar hafa þrjú nokkuð samhljóða erindi þar sem Már
tekur gersemarnar, sættist við Kötlu og þau flytja bústað sinn „sem
Katla þeim fyrir sagði.“
VII. Katla eignast son í öllum uppskriftum, í sumarbyrjun eða rétt þar
um bil. Hann er „fagureygður“ í B gerðinni, ýmist „frábær“ eða „all-
fríður" í A I og „frameygður" í A 2. í B gerðinni eru fyrstu viðbrögð
þau að Már gefur sig mikið að syninum en móðir hans minna. Áður en
Már kemst að í báðum A gerðunum eru hins vegar þessir vísuhelming-
ar strax á eftir fréttinni um fæðinguna:
AM 147 8vo (A 1)
50.
sögðu snótir
að koma mundi
barn aldreigi,
betra sjónum.
AM 154 8vo vi (A 1)
51.
sögðu snótir
komið hefði
aldrei alvænni
sveinn fyrir sjónir.
JS 473 8vo (A 1)
sögðu snótir
að sjást mundi
barn aldreigi
betra sjónum.
AM 154 8vo vii (A 2)
49.
þá sögðu konur
að koma mundi
barn aldreigi
bjartara ásýndum.
Eftir yfirlýsingu kvennanna eru allar A uppskriftirnar nokkuð sam-
hljóða um að Már hyggi að sveininum og hvetji Kötlu til að unna syni
sínum. í NKS 1141 fol {A 1) og AM 154 8vo vii (A 2) mælir hann auk
þess í hljóði að hún skuli kenna sér sveininn, - líkt og í B gerðinni þeg-
ar Már heyrði sögu Kötlu.
í B gerðinni er sagt frá því að „nýtum sveini/pilti“ hafi verið gefið
nafn og Már látið kalla hann Kára eftir sögu Kötlu. Það er jafnframt
síðasta erindið sem á sér beina hliðstæðu í hinum gerðunum.
Tvær uppskriftir A 1 gerðarinnar hafa aftur á móti beina ræðu með
nafngjöfinni:
AM 147 8vo (A 1)
52.
Svo skal hann nefna,
nafnvænlegastan.
JS 473 8vo (A 1)
[Svo] skal hann nefna
nafni vænlega