Gerðir kirkjuþings - 2004, Page 89

d) Nefndin og prófastar hafa samráð varðandi auknar þarfir á kirkjulegri þjónustu
á slysstað.
e) Nefndin hefur á útkallslista sérþjálfað fagfólk (“Viðbragðahópur”) og annað
starfsfólk kirkjunnar og saínaðanna, sem hún getur sent á vettvang ef þörf er á.
Einnig hefur nefndin umboð til að kalla aðra starfsmenn kirkjunnar til þeirra
verka/þjónustu sem hún telur þörf á. Prófastur hefur umboð til að senda prest út
fyrir prestkall sitt þegar nauðsyn krefur.
f) Prófastur í samráði við Hópslysanefnd ber ábyrgð á stuðningi við presta og
starfsmenn kirkjunnar sem unnið hafa við stórslys og/eða verið undir miklu álagi
vegna stuðnings við syrgjendur.
g) Prófastur í samráði við sóknarprest metur þörf á aukinni kirkjulegri þjónustu við
söfnuðinn eftir slysið og leita til biskups telji þeir þörf á.
h) Nefndin sér um að kynna Neyðarskipulag kirkjunnar fyrir starfsmönnum
kirkjunnar og öðrum þeim sem málið varðar og skal í því skyni útbúin sérstök
handbók, “Neyðaráætlun kirkjunnar”, sem afhent skal hverjum starfsmanni.
Einnig stuðlar nefndin að þvi að tiltækt sé stuðnings- og fræðsluefni sem hentað
gæti við þær aðstæður sem skapast er stórslys verða.
i) Nefndin skal leitast við að koma á og viðhalda góðu sambandi við fjölmiðla,
þannig að samstarf við þá verði sem best þegar stórslys verða.
j) Nefndin vinnur að stöðugri endurskoðun á starfsháttum og skipulagi kirkjunnar
varðandi viðbrögð hennar við stórslysum.
III. Útkallskerfi
Á hverju svæði (oftast eitt eða fleiri prófastsdæmi) er til bakvaktakerfí presta. Það gegnir
jafnframt hlutverki útkallskerfis vegna stórslysa. Ef um stórslys er að ræða ræsir
vakthafandi prestur prófast eða fulltrúa hans og virkjar með því neyðarskipulag
kirkjunnar. I undantekningartilvikum getur prestur eða annar fulltrúi á vettvangi virkjað
hópslysanefnd beint, ef ekki næst í prófast eða fulltrúa hans.
Stefnt skal að því að hvert svæði sé sem mest sjálfu sér nægt um bjargir og kalli ekki eftir
frekari aðstoð fyrr en fyrirsjáanlegt er að bjargir heima fyrir dugi ekki. Ef hérað er af
einhverjum ástæðum ófært um að virkja eigið hjálparkerfi, þarf hópslysanefnd að kalla út
viðbragðahóp.
IV. Kostnaður
Kirkjuráð samþykki fjárhagsáætlun nefndarinnar og standi skv. henni straum af kostnaði
vegna nefndarstarfa og vegna menntunar og þjálfunar þeirra starfsmanna og sjálfboðaliða
kirkjunnar sem að þessum málum koma. Hjálparstarf kirkjunnar leggur út fyrir kostnaði
vegna neyðaraðgerða skv. umboði nefndarinnar. Kirkjuráð endurgreiðir þennan kostnað
sérstaklega. Héraðssjóðir greiða kostnað starfsmanna kirkjunnar vegna æfínga innan eigin
aðgerðarsvæðis. Kostnaður vegna starfsmanna sem sendir eru á vegum nefndarinnar milli
landshluta vegna æfínga greiðist af kirkjuráði.
V. Önnur verkefni
Unnin hafa verið drög að skipuriti sem verður betur kynnt síðar. Þá bíða ýmis verkefni á
næstunni sem nefndin þarf að sinna:
87