Skagfirðingabók - 01.01.1992, Blaðsíða 148
SKAGFIRÐINGABÓK
Klapparhólmavað. Svo kalla ég næsta vað norðan við Valla-
vað. Þetta vað fann og reið fyrstur Stefán Stefánsson, sem bjó á
Bjarnastöðum í Blönduhlíð árin 1900-1909, vel hestfær maður
og átti duglega hesta og góða. Reið hann austan frá af Flugu-
mýrarleirum yfir í Klapparhólma, sem er einn af smáhólmum,
sem Flugumýri tilheyra. Þaðan reið hann svo yfir smákvíslar
milli hólmanna og síðan norðvestur þurra eða hálfþurra sanda
út undir Fenhringseyju (frá Hjaltastöðum), svo yfir aðalvötnin,
sem þar voru í kvíslum og komst á austurbakka á Borgareyju.
Þaðan yfir Sandana (þurra), svo út hjá Húsabakka, yfir Hús-
eyjarkvísl, þar sem kölluð er Dældin eða Deildin. Eftir það út
vesturbakka Héraðsvatna að Víkinni (afrennsli Miklavatns) og
yfir hana á vaði; þaðan torfærulaust til Sauðárkróks. Þessi leið
var farin nokkur haust með kaupstaðarlestir um og úr 1907,
aldrei að vori eða sumri. Lagðist niður með öllu vegna breyt-
inga á farvegum Vatnanna við Borgareyju.5
Vöð á Vestur- og Austurvötnum
Verður nú sagt frá vöðum eftir að Héraðsvötn skipta sér um
Hegranes.
Suðurkvíslar- eða Kvíakvíslarvað. Vað þetta er yfir Héraðs-
vatnakvísl þá, er myndar Vesturvötnin. Kölluð var hún fyrr-
um Kvíakvísl og var þá að sögn vatnslítil, en óx fljótlega eftir að
öll Héraðsvötn féllu austan Borgareyjar.6 Vað þetta er farið frá
5 Hér vill Gísli Magnússon bæta við tveimur vöðum: Grundarnesvað. Riðið
var fram Borgareyjuna austanverða, yfir Sandana úr Grundarnestánni og
fram Vallabakkana. Sandavað. Þegar fé var rekið heim í Eyhildarholt, t.d. úr
Stafnsrétt, var farið yfir Húseyjarkvísl milli Löngumýrar og Krossaness, og
yfir Sandana í Vesturnesið á Borgareyjunni, sem svo er kallað. Sandarnir eru
kvíslin vestan við Borgareyjuna; nú að mestu þurr. Fyrir 1800 runnu Héraðs-
vötnin öll vestan Borgareyjar og Hegraness, sbr. Sýslu- og sóknalýsingar
Hins ísl. bókmenntafélags II, Skagafjarðarsýsla, Ak. 1954, bls. 60.
6 A síðari áratugum hefur kvíslin jafnan verið nefnd Suðurkvísl (MHG).
146