Skagfirðingabók - 01.01.1996, Qupperneq 71

GUÐRÚN ÓLAFSDÓTTIR Á BJARNASTÖÐUM
Líklegt má því telja að Guðrún hafi notið ættar sinnar og
kunningsskapar Ólafs við þessa höfðingja, einkum Skúla.
Einn af þremur hreppstjórum Hofshrepps um þessar mundir
var Jón Pálsson á Hrauni í Unadal. Eins og brátt víkur að er
það að líkindum Jón sá Pálsson sem síðar varð eiginmaður
Guðrúnar og er þá auðsætt að hreppsyfirvöld hafa ekki ýft sig
að ráði vegna barneignar hennar.
Eyjólfur Sigurðsson á Brúarlandi var sóknarprestur þeirra
Guðrúnar og Jóns á Þönglaskála, „greiðamaður og raungóð-
ur“.65 Ekki hefur hann vasast út af hrösun þeirra úr því að sjálf-
ur sýslumaðurinn leiddi hana hjá sér. Eyjólfur hefur þó varla
komist hjá því að setja þeim skriftir í Hofskirkju, svo að þau
fengju fyrirgefningu safnaðarins. Þung raun hefur það verið
Guðrúnu og lítt að skapi að þurfa að sæta þeirri opinberu nið-
urlægingu.
Jómsonar Ásmundssonar Sveinssonar
Jón Ásmundsson býr á Mannskaðahóli harðindaárið 1757 en
þegar manntalið eða bændatalið 1762 er tekið er hann bóndi á
Þönglaskála, sagður 32 ára en kona hans 28 ára. Jón hefur því
verið fæddur um 1730 og kona hans um 1734. Hún hét Signý
en ókunnugt er um föðurnafn hennar. Vitað er um Jón á Þöngla-
skála 1761, 1762, 1766 og 1769 en líklegast er að hann hafi
búið þar allmiklu lengur eða fram um 1780. Hann ber vitni á
dómþingi á Hofi á Höfðaströnd 16. maí 1761. Jón hefur verið
fátækur, að minnsta kosti framan af, því að hann tíundar aðeins
2 hundruð árið 1761, en hefur vafalítið stundað sjó til styrktar
búskapnum. Eitthvað hefur ræst úr fyrir þeim Signýju því að
ella hefðu þau varla ráðið til sín vinnukonu. Skipti eftir Rann-
veigu systur Jóns fóru frarn á Höfða á Höfðaströnd 9- maí
1773 og eru erfingjar þá ekki aðrir en Jón og Ólöf Ingimund-
65 íslenzkar œviskrár I, bls. 462—463.
69