Skagfirðingabók - 01.01.1996, Page 83

GUÐRÚN ÓLAFSDÓTTIR Á BJARNASTÖÐUM
Systkinin frá Bjarnastöðum
Eftir lát bónda síns bjó Guðrún fyrst um sinn áfram á Bjarna-
stöðum í tvíbýli á móti Asmundi syni sínum og tíundar sex
hundruð árið 1798 en Asmundur þrjú hundruð. Þegar hér er
komið sögu er þó skammt til umskipta á högum Guðrúnar en
áður en frá þeim greinir skal nokkuð sagt af þeim börnum
hennar sem komust á legg og eignuðust afkomendur, Ásmundi
á Bjamastöðum, Kristínu Ingveldi og Jóhannesi Grímseyjar-
klerki.
1. Ásmundur Jónsson. Ásmundur bjó á Bjamastöðum frá 1797
til dauðadags, 16. maí 1826, var þar fyrst í tvíbýli á móti móð-
ur sinni til 1801 og Jóhannesi bróður sínum 1803—1804 en
síðan í einbýli. Litlar heimildir eru um búskap og æviferil Ás-
mundar en hreppsbók Hofshrepps 1819—30 ber með sér að
hann hefur verið bóndi í betra lagi. Lausafjártíund hans er 7
hundruð árin 1819-23 en 8 hundruð 1824-25 og er það vel
yfir meðallagi. Elsta varðveitta búnaðarskýrslan í Hofshreppi
var gerð 1826, skömmu eftir að Ásmundur lést. Dánarbú Ás-
mundar var þá enn ósundrað og gefur skýrslan því góða hug-
mynd um búskapinn á Bjarnastöðum síðustu æviár hans.
Árið 1826 voru 53 býli á 49 jörðum í Hofshreppi, en heim-
ili hafa að sjálfsögðu verið allmiklu fleiri. Bjarnastaðabúið var
8. stærsta býlið í hreppnum og búfjáreign þess 4 nautgripir, 4
hross og 71 sauðkind (ær, sauðir, hrútar og lömb), samtals 79
gripir. Meðalbústærð í hreppnum var tæplega 55 gripir en
miðgildi bústærðar var 47 gripir.90 Tíu stærstu búin voru
þessi:
90 Þ.e.a.s. gripir voru fleiri en 47 á helmingi býlanna en færri en 47 á hinum
helmingnum. Miðgildið er hér nefnt af því að það er traustari vísbending
um stærð „venjulegs bús“ en meðalgripafjöldinn. Heildargripafjöldi er að
sjálfsögðu ónákvæmur mælikvarði á bústærð en ekki er þörf á nákvæmari
mælikvarða hér.
6 Skagfirðingabók
81