Skagfirðingabók - 01.01.1996, Blaðsíða 90

SKAGFIRÐINGABÓK
dal, syni Jóns prests á Barði, Jónssonar lesara. Þeim fæddist and-
vana drengur 17. júlí 1829 og hefur Guðrún vafalítið dáið af
völdum barnsburðarins.107
Þórey Ásmundsdóttir, f. 1806 eða 1807 á Bjarnastöðum, d. 7.
janúar 1876 á Vatni á Höfðaströnd, átti Pétur Sveinsson hrepp-
stjóra á Vatni.108 Fimm af níu börnum þeirra eiga afkomendur.
Ásmundur Ásmundsson, f. 27. júní 1808 á Bjarnastöðum, d.
23. nóvember 1859 á Skeiði í Fljótum. Ásmundur var holds-
veikisjúklingur, ókvæntur og barnlaus, en fær þó umsögnina
„var knár“ hjá Espólín (2108). Hann var niðursetningur í Þrí-
hyrningi hjá Jóhannesi tvíburabróður sínum 1855 en dó hjá
Ásgrími bróður þeirra á Skeiði.
Jóhannes Ásmundsson, f. 27. júní 1808 á Bjarnastöðum, d. 19-
október 1856 í Þríhyrningi í Hörgárdal, bóndi í Saurbæ í Fljót-
um 1845-48 og síðan í Þríhyrningi, átti Sigríði Pálsdóttur
prests í Felli í Sléttuhlíð og síðast á Bægisá, Árnasonar biskups
á Hólum, Þórarinssonar. Börn þeirra voru fjögur og auk þess
átti Jóhannes börn í lausaleik.
Ásgrímur Ásmundsson, f. 11. ágúst 1811 á Bjamastöðum, d.
2. september 1878 í Saurbæ í Fljótum, bóndi á Skeiði í Fljót-
um, meðhjálpari og farsæll yfirsetumaður um langt skeið.109
Kona hans var Guðrún Sveinsdóttir bónda í Minna-Holti í
Fljótum, Þorsteinssonar. Börn þeirra voru átján og eru afkom-
endur frá þremur þeirra hér á landi og tveimur í Vesturheimi.
Eins og áður er nefnt er Guðrún Ólafsdóttir á Víðivöllum
árið 1802 (sbr. manntalið 1801). Þar er þá til heimilis drengur
að nafni Jón Ásmundsson, sagður tíu ára fóstursonur en þess ekki
107 Sbr. Skagfirzkar œviskrár 1850-1890 V, bls. 80; þar er þó ekki getið um af-
drif Guðrúnar.
108 Sjá þátt hans í Skagfirzkum aviskrám 1850-1890 II, bls. 241—243-
109 Sjá þátt hans í Skagfirzkum æviskrám 1850-1890 VI, bls. 19-21. Þar er þess
ekki getið að Ásgrímur var yfirsetiimaður, enda munu litlar eða engar skrif-
legar heimildir um það. Sú sögn gengur á meðal niðja Ásgríms að aldrei
hafi misfarist hjá honum barn.
88