Skagfirðingabók - 01.01.1996, Side 126

SKAGFIRÐINGABÓK
Björg sagði sig úr féiaginu á fundi í apríl 1931, ásamt tveimur
öðrum konum. Ekki er minnst á ástæður þessara úrsagna. Sam-
kvæmt fundargerðabók verður ekki séð, að aðrir hafi sagt sig
úr félaginu.
Arið 1931 varð Kristján C. Magnússon formaður Verkamanna-
félagsins Fram á Sauðárkróki. Gegndi hann því til 1932. Krist-
ján var formaður FUJS fram í lok febrúar 1931- Hann gekk
aldrei í Sauðárkróksdeild Kommúnistaflokksins sem síðar var
stofnuð. Þegar Kristján lét af formannsstörfum tók Sveinn Þor-
valdsson við af honum og gegndi formennsku fram í aprílmán-
uð 1931, en þá tók Pétur Laxdal við. Frá þeim tíma var Pétur
forystumaður ungra jafnaðarmanna og síðar kommúnista á
Sauðárkróki.
Nokkur deyfð virðist hafa verið meðal félagsmanna FUJS á
síðari hluta starfstíma félagsins.12 Á síðasta fundinn, sem félag-
ið hélt, 17. maí 1931, kom Ásgeir Blöndal Magnússon, en
hann hafði þá um veturinn ferðast milli félaga á landsbyggð-
inni „til að kveikja meira líf í þeim.“13 Á fundinum minntist
hann á að réttara væri að nefna félagið öðru nafni, þ.e. Félag
ungra kommúnista. Ekki var tekin ákvörðun um nafnbreyting-
una og virðist sem starfsemi félagsins hafi lognast út af á þess-
um tíma, þar sem ekki hafa verið færðar til bókar fleiri fundar-
gerðir. I bréfi sem Samband ungra kommúnista (SUK) í Reykja-
vík sendi félaginu í október 1931 sagði:
Við báðum félaga Kristján Magnússon, sem var að fara
heim til Sauðárkróks í morgun [til] að tala við ykkur
viðvíkjandi undirbúning undir 4. þing sambandsins ...
Það er mjög áríðandi að einhver komi frá ykkur ekki sízt
vegna þess að starfið á Sauðárkrók hefur ekki gengið sem
12 Sama heimild. Fundur 22. febrúar 1931.
13 Sama heimild. Fundur 17. maí 1931.
124