Múlaþing: byggðasögurit Austurlands - 01.01.1981, Qupperneq 54

52
MÚLAÞING
fannst hestarnir greikka sporið niður með Jóku, og síðan þræddu þeir
slóðina inn Suðurdalinn og að lokum heim í hlaðið á Borg. Þar voru
margar hendur á lofti við að taka ofan, spretta af hestunum, sem
köstuðu sér niður í snjóinn og veltu sér vandlega. Röltu síðan heim að
húsinu þar sem beið þeirra gjöf á stalli. Eftir stutta stund var skollinn á
blindbylur.
Það er að segja af Fljótsdælingunum sem hjálpuðu mér að láta upp
um kvöldið á Reyðarfirði, að þeir fóru þegar á eftir að finna ferðafélaga
sína. Kom þeim saman um að leggja þegar á stað til heiðarinnar. Þeim
gekk ferðin vel yfir. Þegar þeir komu í Skriðdalinn skipti hópurinn sér,
fóru nokkrir heim að Arnhólsstöðum og ætluðu að hvíla þar. En þá var
veðrið að skella á, svo þeir drifu sig á stað norður að Mýrum á eftir þeim
sem þangað voru komnir á undan. Var þá veðrið orðið svo vont að ekki
var um annað að gera en taka ofan og setjast að. Þar voru samankomnir
12 menn með 50 hesta. Sveini Jónssyni á Brekku fannst það ómyndar-
skapur að þeir settust allir að á Mýrum og teymdi sína hesta á stað, en
Zóphónías á Mýrum greip í handlegg hans og sagði að þaðan færi
enginn út í þetta veður. Allir hestar voru látnir í hús og gefið. Síðan
gengu hraktir menn til bæjar og fengu þar góðar veitingar og gistingu.
Daginn eftir var norðanhvassviðri og kóf. Fljótsdælingar héldu þá
ferðinni áfram norður yfir Hallormsstaðaháls.
Eg get ekki skilist svo við þessa frásögn að eg geti ekki nokkurra
Skriðdælinga, sem lentu í þessu veðri á Þórdalsheiði.
Þegar eg var á leið út Þórudalinn mætti eg Guðmundi Sveinssyni á
Mýrum, nú bónda á Geirólfsstöðum, og Jóni Einarssyni frá Geirólfs-
stöðum sem nú er húsasmiður í Neskaupstað. Þeir höfðu lagt á stað
snemma um morguninn með nokkuð marga hesta til Reyðarfjarðar.
Lentu þeir í versta veðri á leiðinni. Þegar þeir komu til Reyðarfjarðar
hittu þeir fljótlega Stefán Þórarinsson hreppstjóra á Mýrum, sem var að
koma af sýslufundi utan af Eskifirði og á heimleið. Var Guðmundur
með hest handa honum. Þeir Guðmundur og Jón tóku kornvöru og
bundu í flýti. Þá komu til þeirra Einar Einarsson, þá bóndi í Hátúnum,
og Vigfús bróðir hans. Höfðu þeir bræður farið til Reyðarfjarðar daginn
áður og gist. Lögðu þeir nú á stað fimm saman í versta veðri. Þá var
fennt í allar slóðir. Voru þeir á ferð alla nóttina, og heim komu þreyttir
menn og hestar.