Múlaþing: byggðasögurit Austurlands - 01.01.1981, Qupperneq 136

134
MÚLAÞING
þess að það sé margfalt mannfrekara og tímafrekara og því miklu
kostnaðarsamara, en slíkir menn um það, ef þeir annars eru til, sem eg
vildi að eigi væri; þeir verða þá eigi með.
Hér er aðeins lauslega drepið á mál þetta og alls eigi lagt niður hvern
hag menn hefðu af verslun við Lagarfljótsós. Líklega mun torvelt að
meta þann ábata, en eg vona að hugir manna reiki víðar en yfir
framanskrifuð orð. Gæti eg þá vel ímyndað mér að menn yrðu engu
óheitari fyrir máli þessu en eg er nú og vildu leggja fé til þess að það
næði sem fyrst fram að ganga, og í því trausti skora eg á alla, sem vilja
málinu vel, að skrifa sig á bréf þetta fyrir vissri upphæð í peningum til
gufubátskaupa, og þarf eigi að borga þá peninga út fyrr en báturinn er
keyptur og kominn og verslunarhús reist við Lagarfljótsós. Samskotin
skoðast sem aktíur og sé full aktía 20 kr. Best virðist að forgöngumenn í
hverri sveit geymi samskotalistann þar til á fénu þarf að halda.
Ormarsstöðum 12. sept. 1883
Þorv. Kjerúlf
Neðst á blaðinu eru skráð nöfn nokkurra manna í Fljótsdal, þar sem
þeir skrifa sig fyrir framlögum:
Sölvi Vigfússon Arnheiðarstöðum
Jón Einarsson Arnheiðarstöðum
Sæbjörn Egilsson Hrafnkelsstöðum
Jörgen Sigfússon Skriðuklaustri
S. Benediktsson Skriðuklaustri
Ólafur Stefánsson Hamborg
2 aktíur 40 krónur
V* — 10 —
2 _ 40 —
1 — 20 —
1 — 20 —
2 — 40 —
Hér kemur fram að komin er á umræðustig mikil áætlun og talið
tímabært að hrinda henni í framkvæmd. Aðalatriðin eru þessi:
Að stofna hlutafélag til kaupa á gufubát til flutninga „fyrir ofan
Lagarfljótsfoss,“ þ. e. frá fossinum og upp í Fljótsdal (að Brekku og
jafnvel Hrafnkelsstöðum sem eru spöl upp með Jökulsá í Fljótsdal, sem
fellur í ffjótið).
Að stofna verslun við fljótsósinn og stefna þangað kaupskipum, en
verslunin eigi gufubát og uppskipunarbáta til vöruflutninga. Kaupskip-
unum er ætlað að sigla inn í ósinn ef fært reynist, sem höfundur telur
vafalítið, en ella liggja í Múlahöfn út með Héraðsflóa undir Hlíðarfjöll-
um og verði þá vörur fluttar þaðan að versluninni við ósinn.
Fram kemur í ávarpinu að fyrsti undirbúningur hefur þegar farið