Múlaþing: byggðasögurit Austurlands - 01.01.1981, Page 165

MÚLAÞING
163
sumum deildum. FuUtrúi úr Jökuldalshreppi kom aðeins á einn
fund.
Greinilegt virðist að Fljótsdælingar haíi haft mest hagræði af þessum
flutningum og þar af leiðandi verið áhugamestir um viðgang félagsins
ásamt Jóni Bergssyni. Hann var sem kunnugt er fyrsti framkvæmda-
stjóri Kaupfélags Héraðsbúa og veitti því forstöðu frá byrjun 1909 til
1918, en áður forstöðumaður Pöntunarfélags Fljótsdalshéraðs 1886 til
1893 og um stundarsakir 1898. Starf hans í mótorbátsfélaginu tengdist
því kaupfélagsstjórastarfinu. Síðustu árin sem fundargerðabókin nær til
var stjórnin öll í Fljótsdal, en helstu áhugamenn utan þeirrar sveitar
virðast vera Brynjólfur á Asi og Guttormur á Hallormsstað, báðir
búsettir í innhluta sinna sveita, sem nutu þjónustu bátsins betur en þeir
sem utar bjuggu.
Sunnudaginn 28. júlí 1918 ber nokkuð nýrra við. Þá er haldinn
stjórnarfundur í mótorbátsfélaginu — eða Lagarffjótsorminum eins og
félagið (og báturinn) virðist hafa verið kallað í daglegu tali. Bókaður
stjórnarfundur hafði þá ekki verið haldinn síðan 26. mars 1906.
Fundargerðin er á þessa leið, en hefðbundnum inngangi sleppt:
„Stjórnin var komin saman-------til þess að ræða og reyna að ráða
fram úr hvað gjöra skyldi út af strandi mótorbátsins. Með því að
skemmdir á bátnum eru svo alvarlegar að mjög tvísýnt er að borgi sig að
gjöra við hann, var það einróma álit að sjálfsagt væri að boða til full-
trúafundar hið fyrsta til þess að hann ráði fram úr því hvað gjöra skuli.
p. t. Melum 28. júlí 1918
Vigfús Guttormsson Páll Sigfússon Eiríkur Vigfússon“
Fulltrúafundurinn var haldinn í Geitagerði 17. ágúst. Auk félagsstjórn-
arinnar sátu hann séra Þórarinn á Valþjófsstað og Guttormur í Geita-
gerði fyrir Fljótsdalsdeild, Brynjólfur á Ási og Sigurður í Hrafnsgerði
fyrir Felladeild og Guttormur á Hallormsstað fyrir Valladeild.
Umræðna er ekki getið, en bókuð þessi tillaga:
„Fundurinn skorar á stjórnina að útvega hæfan bátasmið til að skoða
bátinn og segja álit sitt um hvort tiltækilegt sé að gjöra við hann og
semja álitsgjörð um kostnaðinn og senda hana fulltrúum til umræðu í
deildunum. En jafnframt felur fundurinn stjórninni að útvega mann til
að vera í ráðum með bátasmiðnum.“
Ennfremur ákvað fundurinn að halda skyldi fundi í deildunum og
leita álits þeirra um áframhald félagsins og framlög nýrra hluta.