Múlaþing: byggðasögurit Austurlands - 01.01.1996, Page 170

Múlaþing
með lágt enni og útstæða höku. Flest bendir til að greftrunin hafi átt sér stað á síðari hluta 10. aldar en
haugbúinn hafði í fórum sínum enska mynt sem slegin var á árunum 955-957.
Sýningar
Á árinu voru tvær litlar sýningar settar upp á vegum safnsins í sýningarskáp, sem safnið hefur til um-
ráða á efri hæð safnahússins. Fyrri sýningin var sett upp í byrjun september og var framlag minjasafnsins
til svokallaðs Ormsteitis, sem er árleg uppskeruhátíð á Héraði og stendur yfir í eina viku. Sýning minja-
safnsins stóð þó öllu lengur eða til 1. desember.
Á sýningunni voru settir upp munir sem tengjast hreindýrum og hreindýraveiðum á Austurlandi. Sýnd-
ir voru gripir úr hreindýrshomum, beinum og skinni, bæði gamlir og nýir, verkfæri, skartgripir og fatnað-
ur. Sett var upp gamalt tjald og útilegubúnaður, sem notaður var við hreindýraveiðar fyrr á öldinni, ásamt
skotvopnum. Ennfremur var saga hreindýra og veiða á þeim hérlendis, rakin í máli og myndum.
Seinni sýning safnsins á árinu var jólasýning 1995. Hún var sett upp í áðurnefndum sýningarskáp um
leið og hreindýrasýningin var tekin niður. Sett var upp lítil baðstofa, prýdd jólaskreytingum að gömlum
hætti. Á sýninguna mættu á sjötta hundrað manns en hún var opin til 6. janúar, 1996.
Þann 15. desember var sérstök dagskrá í tengslum við jólasýninguna í samvinnu við Bókasafn Héraðs-
búa, sem hefur aðsetur á efri hæð safnahússins, og segja má að dagurinn hafi verið hápunktur jólasýning-
arinnar.
Þennan dag var komið upp vísi að baðstofu á bókasafninu og eldri borgarar á Egilsstöðum voru fengn-
ir til að sýna vinnubrögð frá liðinni tíð í baðstofunni. Gerðir voru skinnskór, tekið var ofan af ull, kembt,
spunnið og tvinnað. I anddyri safnahússins lék Hreinn Halldórsson á harmóniku, böm úr Tónlistarskólan-
um í Fellabæ sungu jólalög og tveir nemendur ásamt kennara úr Tónlistarskólanum á Hallormsstað spil-
uðu jólalög á flautu. Sýningargestum var ennfremur boðið upp á nýbakaðar lummur. Á staðnum voru einn-
ig mættir íslenskir jólasveinar og farið var með grýlukvæði. Mjög fjölmennt var í safnahúsinu á Egilsstöð-
um þegar dagskráin var í gangi en yfir 300 gestir litu inn í jólaamstrinu þennan eina dag.
Gjafir
Safninu hafa borist margar góðar gjafir árinu. Þar er helst að nefna skotvopn en veiði villtra dýra, s.s.
hreindýra, gæsa og rjúpu, hefur ætíð verið stór þáttur í mannlífi á Héraði. Gefendur eru Sveinn Ingimars-
son og Skúli Magnússon. Sveinn Ingimarsson, og systkini hans frá Eyrarlandi í Fljótsdal, gáfu einnig safn-
inu smíðaáhöld úr búi afa þeirra. Um er að ræða mörg heimagerð smíðaáhöld; hefla, hallamál, o.fl., mörg
hver mjög gömul.
Árni Sigfússon frá Giljum, Jökuldal, hefur gefið safninu margar merkar gjafir. Á árinu færði hann
safninu m.a. grammófón og plötusafn, sem inniheldur fjöldann allan af ófáanlegum grammófónskífum.
Oddur Bjömsson og Jónína Þórarinsdóttir á Unalæk, Vallahreppi, hafa einnig gefið safninu margar gjafir,
sem tengjast daglegum starfa á liðnum öldum, en Oddur færði safninu einnig þrjá planka úr gömlu Lag-
arfljótsbrúnni, sem byggð var rétt eftir síðustu aldamót. Samgöngur á Héraði voru mjög erfiðar fyrrum og
eru eitt af því sem safnið þarf að gera góð skil í framtíðinni.
Sævar Sigbjarnarson oddviti Hjaltastaðahrepps, fól safninu umsjón með húsum hreppsins í Kjarvals-
hvammi. Húsin, sem eru lítið íveruhús, bátaskýli og geymsla, voru í eigu Jóhannesar Kjarvals en hann
168