Múlaþing: byggðasögurit Austurlands - 01.01.1996, Page 171

Ársskýrslur
málaði mikið af verkum sínum þar. Með húsunum fylgja ýmis húsgögn og húsbúnaður, auk vinnuáhalda,
sem tilheyrðu Kjarval. Hjaltastaðahreppur hefur boðist til að standa straum af viðhaldskostnaði húsanna.
Opnun Minjasafns Austurlands
Eins og áður sagði var árið 1995 tímamótaár í sögu Minjasafns Austurlands. Safnið var stofnað fyrir
röskri hálfri öld en hefur enn ekki verið formlega opnað. Það verður því langþráð stund fyrir aðstandend-
ur þess, eigendur, tilvonandi gesti og velunnara, sem rennur upp við opnunina, sem stefnt er að um hvíta-
sunnuhelgina árið 1996. Ákveðið hefur verið að safnið verði opnað með viðhöfn og eru margir góðir gest-
ir væntanlegir á opnunina. Safninu hefur ennfremur verið boðið að taka til varðveislu mjög merka muni
sem afhentir verða við opnunina.
Mikilvægt er fyrir sveitarfélög að reka eigið safn sem varðveitir arfleifð íbúa þeirra. Safn á borð við
það sem stendur til að opna á Egilsstöðum er mjög stór liður í uppbyggingu sveitarfélaganna á Héraði og
Borgarfirði en mikilvægt er að geta geymt og jafnframt sýnt í réttu umhverfi það sem forfeður okkar létu
eftir sig. Safnið á Egilsstöðum er með stærstu söfnum á Islandi, er í húsnæði sem er sérstaklega hannað
sem safnahús og ætti því að verða þeim kostum búið að geta varðveitt hvaðeina það sem krafist er af því.
Steinunn Kristjánsdóttir
169